PPN Husu Lideransa Partidu Terseira Lejislatura Intrega Prado
TIMOROMAN.COM– Prezidente Parlamentu Nasional (PPN) Aniceto Longuinho Guterres Lopes haruka ona karta ba lideransa partidu terseira lejislatura, hodi intrega kareta prado ba PN.
“Iha karta ne’e husu ba lidernsa partidu Fretilin, CNRT, PD no Frente Mudadansa, atu kolabora hamutuk hó PN hodi entrega kareta refere,” informa Aniceto ba Jornalista, hafoin sorumutu hó Prezidente Republika (PR), Francisco Guterres ‘Lú Olo’, iha Palasiu Prezidensial Nicolau Lobato Bairru-Pite, Kuarta (11/10).
Prezidente PN ne’e dehan, deputadu terseira lejislatura nian balun konsege entrega ona, no balun to oras ne’e sedauk entrega tan ne’e hanesan PPN manda ona karta ba deputadu hotu.
Ne’e duni, nia husu ba deputadu tenke responde karta ne’ebé mak Parlamentu Nasional hato’o ba lideransa terseira legislatura nian, hodi bele responde ofisial laos atu responde fali boatus ou rumoris.
Sekuantu kareta ne’e la entrega mak sei kontinua halo tan karta hodi bele determina data ne’e tenke entrega hotu ona kareta ba PN.
“Ha’u nia kareta sei utiliza tanba kareta Prezidente Parlamentu nian ne’e ‘mogok’ beibeik, entaun kareta tama ona ofina mak sei uza nafatin kareta deputadu nian ne’ebé mak uluk hau sei uza, ” katak Aniceto. (anu)
