F-FDTL Sei Reforsa Patroliamentu Iha Dili
TIMOROMAN.COM – Hare ba situasaun konflitu ne’ebe mosu iha Kapital Dili, Falintil-Forsa Defeza Timor Leste (F-FDTL) sei reforsa Patroliamentu.
Tuir Vise-Xefe Estadu Maior Jeneral FALINTIL-Forsa Defeza Timor Leste (F-FDTL) Brigadeiru Jeneral, Filomeno da Paixão, hateten Kamando F-FDTL simu ordem diretiva husi defeza para inkerementa tan patrollamentu iha teritoriu tomak, liuliu iha Dili.
“Ami sei hala’o ptrollamentu liliu iha sidade Dili, atu bele fó apoiu ba Polisia Nasional Timor Leste (PNTL) hodi halao atuasaun forte liu ba konflitu ne’ebé mak mosu,” afima Brigadeiru Jeneral Filomeno ba Jornalista, hafoin enkontru hó Prezidente Republika , Francisco Guterres ‘Lú Olo,’ iha Palasiú Prezidensial Nicolau Lobato Bairru-Pite, Kuarta (11/10).
Jeneral Filomeno ne’e dehan tan,situasaun politika ne’ebé mosu ne’e la’os iha Timor Leste deit, maibe pais hotu sempre akontese. Mais, hare ba situasaun hirak ne’e membru F-FDTL ne’ebé komandu destaka iha postu tomak iha teritoriu Timor laran sei kontinua mantein nafatin membru nia pozisaun ne’ebé komandu tau hela.
Nune’e mos Polisia Militar (PM) halo nafatin patroliamentu iha kapital dili, hodi nune’e fó nafatin ba PNTL atu garante nafatin estabilidade.
“ Agora dadaun siguransa injeral iha teritoriu Timor laran, la’o kontraladu nafatin tanb hetan kooperasaun diak entre F-FDTL hó PNTL, inklui mós kordenasan entre komunidade hotu,” relata Filomeno.
Jeneral ne’e mos husu ba joven ne’ebé mak gosta hana ema, haree prevene kedas bainhira parte seguransa no defeza kaer toman lei armas branka numeiru 5/2017 mak sei kondena.
“Ami apela ba populasaun hotu , liliu joven sira enkuantu ita nia maun bot sira kaer hela rai Timor ne’e, entaun labele ba provoka tan situasaun hodi bele akontese problema,” katak Paixão.
PNTL La Hakbesik An ba Komunadade
Parte seluk deputadu husi komisaun B asuntu Negosiu estrajeirus, Defeza no Siguransa, David Dias Ximenes, hateten durante ne’e PNTL nunka hakbesika an ba iha komunidade sira nia let hodi homosu estabilidade, mais Problema mosu ona maka Polisia tun ba prevende konfliktu ne’ebe mak akontese.
“Ita hare buat sira ne’e mosu tansa, karik polisia sira iha fatin refere bele mosu problema ka lae, maibe Polisia akontese ona problema maka foin ba hodi halo estabilidade ba situasaun refere, mais nunka iha aktividades ida, atu halo prevensaun antes problema ne’e akontese,” katak deputadu David.
Reprezentante povu ne’e relata, Polisia tenke iha visibilidade hodi komunidade bele haree polisia iha ne’ebe deit hodi halao prevensaun ba aktividade sira ne’ebe mak atu prezudika populasaun.
“Bainhira mak polisia sira servisu hamutuk ho komunidade lorloron maka profesionalismu mos aumenta, tanba durante ne’e polisia nunka halo tuir sira nia filsafat ” subliña deputadu David. (Anu/mj9)
