Liután 31 Tonu Ouru husi Venezuela Sei Tuir iha Inglaterra
TIMOROMAN.COM-Bank of England sei kontinua rai 31 ton ouru, ne’ebé valor aproxima $4,8 bíliaun, ne’ebé Venezuela iha, maski Caracas agora governadu husi governu temporáriu.
Iha diskursu nia iha Parlamentu Inglaterra iha tempu ikus, Ministru Asuntu Estranjeiru Inglaterra Yvette Cooper hatete katak Londres seidauk rekonhese lider sira foun husi Venezuela.
Tuirmai nia, posisaun ne’e hatudu katak Bank of England bele kontinua iha kontrol ba rezervas ouru husi Venezuela ne’ebé agora rai iha Londres.
Bank of England rai 31 ton ouru husi Venezuela husi tinan 2008. Husi tinan 2020, ouru ne’e sai fokus ba disputa legal ne’ebé naruk kona ba se banku sentral Venezuela iha direitu atu husu fali rezervas ne’e.
Governu Inglaterra no nasaun dezenvolvidu balun antes ne’e la hakarak atu rekonhese rezimu Maduro, ho razãun akuzasaun fraude eleisaun.
Entre tinan 2018 no 2022, Londres ofisiálmente rekonhese Juan Guaido, lider oposisaun, hanesan xefe estadu temporáriu husi Venezuela, ne’ebé fó base ba Bank of England atu rejeita pedidu husi Caracas atu foti fali ouru.
Disputa ne’e depois lori ba tribunal Inglaterra. Iha tinan 2020, Tribunal Suprema Inglaterra deside suporta Bank of England. Sentensa ne’e depois kansela husi Tribunal Apelu, maibé iha tinan 2021, Tribunal Suprema fali rejeita desizaun apelu ne’e, ne’ebé kontinua blokia transferénsia ouru ba Venezuela.
Kaptura Maduro husi forsa espesiál husi EUA iha loron 4 Janeiru fó pergunta foun kona ba futuru rezervas ouru ne’e. Washington hanesan la’ós ofisiálmente suporta Delcy Rodriguez – vice-presidente antes iha baixo Maduro – atu simu papel lideransa foun iha Venezuela, maski Inglaterra seidauk halo medida hanesan.
Responde ba pergunta iha Parlamentu, Ministru Estranjeiru Cooper hatete katak Inglaterra sei kontinua iha posisaun atu la rekonhese governu foun ne’e, ho konsiderasaun hanesan base ba desizaun kona ba aset husi Venezuela ne’ebé rai iha Londres. Nia sublinha katak objetivu Inglaterra mak atu promove prosesu transisaun demokrátiku ne’ebé reflete vontade povu Venezuela.
Posisaun ne’e halo Londres diferente husi Washington, ne’ebé governu Trump informa katak hakarak ko’alia hamutuk ho Rodriguez se Caracas atende rekerimentu husi EUA.
Entre tempu ne’e, lider foun husi Venezuela fó sinal ba rekonsiliasaun. Iha reuniaun kabinetu nia primeiru depois simu funsaun, Rodriguez husu EUA atu ko’alia hamutuk iha programa dezenvolvimentu kolektivu, bazeia ba lei internasionál. Maibé to’o agora, Caracas seidauk fó demanda ofisiál ida kona ba ouru ne’ebé nia iha iha Inglaterra.
Bank of England agora administra ida husi rezervas ouru boot liu iha mundu, rai rezervas ouru husi nasaun dezenvolvimentu barak. Desizaun Venezuela atu kontinua rai nia rezervas ouru ne’e halo kontroversia no hamosu protestu barak iha liur Embaixada Inglaterra iha Caracas.***
