PFMO OSAN POVU NIAN, JERE HO DI’AK aprezenta manual portugés 12ba fins espesífikuno rezultadu sirahusi Atividade Formasaun Lian Portugés
DILI – Ohin, loron 2 fulan Dezembru, projetuPFMO-Componente 2 “OSAN POVU NIAN, JERE HO DI’AK”aprezenta rezultadu sirahusi ninia atividade formasaun iha lian portugés mak inkluielaborasaun husimanual portugés 12 ba fin espesifiku, iha Centro Cultural Português, iha Embaixada de Portugal, Díli.
PFMO – C2 OSAN POVU NIAN, JERE HO DI’AK hanesan projetukofinansiaduhusi União Europeia, ho valór euro millaun 12 no mós husi Camões – Instituto da Cooperação e da Língua Portuguesa, ho valór euro mil 600 no iha objetivu atu reforsa planeamentu, jestaun, auditoria, monitoria, responsabilizasaun no supervizaun husi uza finansas públikas iha Timor-Leste, ba melloria prestasaun servisu públikus.
Eventu hetan prezensa husi Embaixador de Portugal, José Pedro Machado Vieira, husi Reprezentante Delegasaun União Europeia iha Timor-Leste, Jestor Programas ba Boa Governasaun, Dr. Mário Machado, husi Diretor Servisu Ordenador Nasional, Dr. Gregório Ferreira da Silva, husi Diretor Nasional husi PSIK, Dr. Vicente Fernandes Brito, husi Diretor-Jeral Tribunal de Rekursu, Dr. Higino Soares, husi Sr. Juiz Konselleiru husi KAK, Dr. Duarte Tilman, husi Komisáriu Adjuntu sira husi KAK, Dr. Augusto Castro no Dr. Alexandre Faustino Freitas, husi Diretor Nasional Servisu Auditoria husi IJE, Dr. Tito Roserio, husi Diretor Ezekutivu husi FONGTIL, Daniel dos Santos Carmo, husi Kordenador-Jeral husi projetu “OSAN POVU NIAN, JERE HO DI’AK”,Dr. Rui Dinis, husi Kordenador Sientífiku Pedagójiku husi Ekipa Lian Portugés, Manuel Oliveira, husi formador no peritu sira Lian Portugés, Nuno Almeida, Soraia Lourenço no Carla Ferreira, husi dirijente sira husi organizasaun Sosiedade Sivil, entre konvidadu sira seluk.
“PFMO husik legadu valiosu tebes ba futuru, la’os deit iha kapasitasaun ba kuadru timoroan husi entidade parseiru, nomós iha rekursu didátiku mak nia husik.
Rekursu sira ne’e – manual sira, kadernu ezersisiu no plataforma autoaprendizajén ida, sira bele uza fali, adapta ka hadia iha futuru husi Parseiru sira, ne’ebé permite continuidade ba formasaun husi kuadru atual sira, mak bele asesu ba nível foun, nomós preparasaun ba futuru kuadru sira mak Parseiru sira bele kontrata ba kada Instituisaun benefisiáriu.” haforsa Reprezentante husi Delegasaun União Europeia iha Timor-Leste.
To’o loron ohin nian, konsegue dinamiza kursu lian portugés ba fin espesífiku 29 (oras formasaun kontinuo kada kursu total 180) iha instituisaun oin-oin, hanesan: Kamara de Kontas (KDK),Inspesaun-Jeral Estadu (IJE), Polisia Sientífikuno InvestigasaunKriminal (PSIK),Komisaun Antikorupsaun (KAK)no iha organizasaun balun husi sosiedade sivil.
Kursu sira ne’e mak hahú iha final fulan Maiu tinan 2019 no sei remata iha final tinan ida ne’e, no servisu formasaun (tutoria no servisu revizaun sira) sai responsabilidade husi Peritu sira Lian Portugés, prof. Manuel Oliveira, prof. Nuno Almeida, profª Soraia Lourenço, profª Carla Ferreira no prof. Osvaldo Campos.
Iha sesaun enseramentu husi atividade formasaun lian portugés husiPFMO,hala’o mos aprezentasaun husi manual portugés ba fin espesifiku 12 – Auditoria Finanseiru (3), Auditoria Sosial (3), Prevensaun no Investigasaun Kriminal (3), Kriminalidade Ekonómiku no Finanseiru (3) nomós husi plataforma e-learning husi Camões, I.P.
Iha produsaun no revizaun sientifiku-pedagójiku husi manual sira ne’e no husi material sira mak produs iha ámbitu atividade ida ne’e, Ekipa Lian Portugés husi PFMO hetan mos apoiu husi profesora Susete Albino husi PFMO nomós husi Direção dos Serviços de Língua do Camões, I.P.**
