Ekspor Turki ba Aziá Aumenta, Timor-Leste Simu $97.900
TIMOROMAN.COM-De acordo ho dadus ne’ebé publika husi Majelis Eksportir Turki (TİM), ekspor Turki ba Aziá aumenta signifikativu, ho Tiongkok sai hanesan merkadu prinsipal ne’ebé simu produtu no servisu ho valor to’o $3,01 bíliaun.
Pakistan ocupa posisaun segundu ho valor $798,3 míliun, seguidu husi Korea Selatan ho $686,4 míliun, Japão ho $649,8 míliun, no Malásia ho $538,9 míliun. Merkadu importante seluk inklui Vietnã ho $424,7 míliun, Indonézia ho $421,9 míliun, no Bangladesh ho $409,6 míliun. Ekspor ba Tailândia to’o $257,1 míliun, Singapura $250,8 míliun, Taiwan $179 míliun, Filipina $150,2 míliun, no Mongólia $95,5 míliun.
Dadus mos hatudu katak volume ekspor ki’ik mak regista iha Sri Lanka ho $71,5 míliun, Kamboja ho $25,8 míliun, Myanmar ho $7,5 míliun, Laos ho $5,6 míliun, Brunei ho $2 míliun, no Timor-Leste ho $97.900. Durante períodu ne’e, la iha eksportasaun ida ba Korea Utara.
Analiza sektoral mostra katak minerál mak lidera eksportasaun Turki ba Tiongkok ho total $1,64 bíliaun. Iha Pakistan, tekstil no materiál brutu domina eksportasaun ho valor $164,4 míliun. Korea Selatan simu produtu minerál ho valor $143,2 míliun, Malásia fó prioridade ba joia ho $131,4 míliun, no Japão distaka ho importasaun produtu ikan no animál ho valor $115,9 míliun.
Dadus ne’e hatudu klaru katak Turki kontinua fó kontribuisaun importante ba merkadu Aziá, maski ba Timor-Leste valor eksportasaun seidauk boot, mak $97.900 deit.***
