Tulang Mate Mgr. Martinho da Costa Lopes Sei Muda ba Timor Leste (RDTL)
TIMOROMAN.COM-Patriarka Lisboa Rui Manuel Sousa Valerio hatete nia kompromisu atu kooperar ho Igreja Katólika iha Timor Leste no governu, hodi facilita repatriasaun tulang mate Mgr. Martinho Lopes ba Dili.
Kompromisu ne’e hatete husi Patriarka Lisboa iha enkontru ho Arcebispu Metropolitanu Dili no mos Prezidente Konferénsia Episkopal Timor (CET), Dom Virgilio Kardinal do Carmo da Silva iha Lisboa, Segunda-feira (12/1/2026).
Enkontru atu diskuti repatriasaun tulang mate Mgr. Martinho Lopes ba Timor Leste mos iha parte husi Vikáriu Episkopal ba Asuntu Edukasaun Arquidiocese Dili ne’ebé mos Pároku Motael, Pe. Guilhermino da Silva.
Monsenhor Martinho da Lopes (1918-1991) mak padre Katólika Timor Leste ne’ebé sai Administrador Apostóliku Dili no hetan fama tanba nia defende Timor Leste ho coragem kontra okupasaun Indonézia.
Nia kritika krime sira ne’ebé halo nia tenke hahu exíliu ba Portugál, fatin ne’ebé nia kontinua luta ba independénsia Timor Leste.
Dom Martinho moris iha Laleila, Manatuto, Timor Leste Portugés, iha loron 11 Novembru 1918 no mate iha Lisboa. Nia mate iha Hospitál De Egas Moniz iha loron 27 Fevereiru 1991.
Monsenhor ocupa kargu hanesan Administrador Apostóliku Dili entre tinan 1977 to’o 1983.***
