Navio Biblioteka Flutuante Doulos Hope Sei Mai Primeira Vez iha Dili

TIMOROMAN.COM-Navio biblioteka flutuante internasionál Doulos Hope sei mai primeiru-vez iha Dili, Timor-Leste no sei loke Feira Internasionál Livru ba povu Timor-Leste husi loron 16 to’o 28 Janeiru 2026 iha Porto Dili.

Tu’ir publikasaun ofisiál Doulos Hope (Dili) ne’ebé TATOLI asesu iha Karta-Mapa, feira livru ida ne’e fo esperiénsia úniku atu explora liu husi 2.000 titul livru husi kategoria barak, inklui literatura ba labarik, sénsia, saúde, arte, no dezenvolvimentu an, ne’ebé sei hatudu iha leten navio.

“Hau nia hanoin, simu esperiénsia Feira Internasionál Livru ne’ebé flutua iha tasi! Doulos Hope sei mai iha Dili ba Primeira Vez!” hatete página ofisiál Doulos Hope (Dili).

Feira ne’e sei loke husi Tersa to’o Sabadu, oras 10.00–17.30 WTL, ho entrada ikus iha oras 17.00 WTL. Espesiál iha Domingu, feira sei loke husi oras 13.00–19.00 WTL ho entrada ikus iha oras 18.30 WTL, entre loron Segunda navio la loke ba publiku. Iha loron inaugurasaun, 16 Janeiru, feira sei loke husi oras 13.00–17.30 WTL.

Feira ne’e sei loke husi Tersa to’o Sabadu, oras 10.00–17.30 WTL, ho entrada ikus iha oras 17.00 WTL. Espesiál iha Domingu, feira sei loke husi oras 13.00–19.00 WTL ho entrada ikus iha oras 18.30 WTL, entre loron Segunda navio la loke ba publiku. Iha loron inaugurasaun, 16 Janeiru, feira sei loke husi oras 13.00–17.30 WTL.

Taxa entrada determina $0.20 sentu ba ema ida-idak, no gratis ba vizitante ne’ebé idade iha kraik 18 tinan no liu husi 65 tinan. Labarik sira tenke mai ho akompanhamentu husi inan-aman. Organizadór simu pagamentu ho osan no mos non-osan, inklui karta débito, Apple Pay, Visa no MasterCard.

Navio Doulos Hope mak navio biblioteka flutuante ne’ebé pertense ba GBA Ships (Gute Bücher für Alle), organizasaun karitativu ne’ebé afiliadu ho Operation Mobilisation (OM). Naran Doulos Hope nian signifika “Servisu Esperansa”, ne’ebé reflete misau navio atu servisu povu liu husi literasia no edukasaun.

Navio ida ne’e hahu konstrui iha Alemanha iha tinan 1991 hanesan navio viajen komersiál, antes GBA Ships sosa iha tinan 2022 no muda funsaun ba navio servisu povu no feira livru flutuante.

Vizita Doulos Hope ba Dili espera atu estimula interesse ba le’e livru no hadia asesu povu ba literasia no edukasaun iha Timor-Leste.***