Kandidatu PM Tailandia Propoe ‘Uma Feto, Nain Ha’at Mane’

TIMOROMAN.COM-Mongkolkit Suksintharanont, kandidatu primeiru-ministru husi Partidu Alternativu Tailandia, halo susar boot iha publiku Tailandia ho proposta ne’ebé permite feto iha nasaun ne’e atu iha to’o ha’at mane.

Tu’ir Mongkolkit Suksintharanont, se parte hotu-hotu konkorda, governu tenke permite feto Tailandia ida-idak atu iha to’o ha’at mane, hanesan passos atu promove igualdade jéneru.

Tu’ir Khaosod, Mongkolkit hakerek iha mídias sosiál: “Iha asuntu igualdade jéneru, feto tenke la permite atu iha liu husi ha’at mane, se parte hotu-hotu konkorda voluntáriu.”

Proposta ne’e lalais hetan atensaun iha mundu digital, halo debate kona-ba se mak hanoin progresivu, sátira polítika ka de’it esforsu atu halo povu sorprende no hetan atensaun.

Ideia ida ne’e mak foun iha série proposta ne’ebé la konvensionál husi Mongkolkit, ne’ebé konhese tanba halo deklarasaun ne’ebé sorprendente.

Antes, Mongkolkit proposa formasaun “força espasu” ba Tailandia, fo insentivu osan ba feto atu hetan isin, hodi rezolve taxa moris-isin ne’ebé tuun, no obrigatori ema idade servisu atu halo esporta kada loron atu hetan aumentu salariu.

Maski metodu implementasaun klaru husi polítika “poliandria” ne’e seidauk hatene, anúnsiu Mongkolkit surprende publiku, halo diskusaun boot liu kona-ba lei kaben no igualdade jéneru.***