Indonesia Planea Exporta Etu ba Timor-Leste
TIMOROMAN.COM-Diretor Utama Perum Bulog Ahmad Rizal Ramdhani hatete kona ba planu exporta etu ba Timor-Leste, Papua Niu Gini, no Malaysia iha tinan 2026. Planu ne’e mosu depois estok etu nasional konsidera suficiente atu satisfahe nesesidade internu.
Rizal esplika katak iha tinan 2026 Bulog simu alvo husi governu atu absorve 4 milhãu ton etu. Ho estok tan Cadangan Etu Governu (CBP) iha gudang Bulog ne’ebé agora to’o 3,3 milhãu ton, total disponibilidade etu governu sai 7 milhãu ton.
“Ho 7 milhãu ida ne’e insyaallah ita sei maximiza ba domestiku primeiru,” dehan Rizal iha konferénsia imprensa iha Kantor BNPB, Jakarta.
Depois nesesidade nasional satisfahe, governu loke oportunidade exporta. Tinan ne’e, nasaun tolu ne’ebé fó prioridade mak Timor-Leste, Papua Niu Gini, no Malaysia. Tuir Rizal, ideia exporta ne’e mosu hanesan parte husi orientasaun Prezidente Prabowo Subianto no Ministru Agricultura Andi Amran Sulaiman.
“Se iha potencial exporta, ita bele ba Timor-Leste ka Papua Niu Gini ka mesmo ba Malaysia,” dehan Rizal.
Rizal mos hatete katak estok etu iha gudang Bulog sei to’o piku iha fulan Juli 2025 ho total 4,5 milhãu ton. Nia mos sublinha katak Indonesia hetan swasembada han iha tinan 2025, ne’ebé prova ho la iha importasaun etu konsumsi durante tinan ne’e.***
