Arábia Saudita iha Situasaun Rohan tan Penalti Ronaldo
TIMOROMAN.COM-Cristiano Ronaldo fali hodi halo gol, ajuda Al Nassr hetan manaan. Maibé iha Arábia Saudita, kada tempu nia hetan 11 juta, mídia sosiál halai ho kontroversia, sarkasmu no dúvida.
Manaan kontra Al Fayha ne’ebé mak laós buat foun ba Ronaldo: rua gol, gol decisivu iha minutu 104, no tolu pontu ba Al Nassr. Maibé buat ne’ebé halo povu rohan la’ós nia joga, maibé penalti iha minutu ikus ne’ebé ajuda ekipana hetan manaan.
Depoiz jogu remata, sarkasmu halai lalais iha mídia sosiál. Ruben Neves (Al Hilal) post status ho senyum sarkastika iha Twitter. Merih Demiral (Al Ahli) halo buat hanesan iha Instagram, ho emoji hakilar. Sira nain rua labele hatete naran Ronaldo, maibé ema hotu kompriende katak sira refére ba Al Nassr no desizaun ne’ebé kontroversial.
Demiral responde kritika ho foto nia ho troféu ne’ebé nia hetan ho Al Ahli, hanesan dehan: “Hau iha direitu atu ko’alia.” Iha parte seluk, jogadór Al Fayha, Fahd Al-Ansari, dehan ho lian klaru: “Al Nassr hakotu manaan ami.”
Ne’e la buat foun ba Ronaldo atu hetan kontroversia hanesan ne’e. Iha Liga Pro Saudi, kada gol ne’ebé nia halo, bele tau ema iha opiniaun ne’ebé kontraditóriu. Parte ida hakarak Ronaldo tanba nia klas, jogadór estrela ne’ebé tinan 40. Parte seluk hatene katak nia hetan favor ba parte árbitru.
Suka ka la suka, inflénsia Ronaldo labele la konsidera. Nia transforma kada jogu ba evento ida, ne’ebé gol mak só komesa ba kontroversia. Iha Arábia Saudita, la iha buat ne’ebé kontroversial liu ka Cristiano Ronaldo.***
