Ingrid agradese ba Povu no Estadu TL nia tratamentu no valorizasaun ba haloot Max Stal nia Sinzas.
TIMOROMAN – Dili- Saudosu Max Stal nia kaben Ingrid kontente no agradese ba Povu no Estadu Timor-Leste tamba fo tratamentu no fo valorizasaun ne’ebé di’ak hodi haloot Saudosu nia Sinzas.
“Ohin ita mai haloot ita hotu nia Max Stal ba moris rohan laek ami nu’udar nia familia agaradese boot ba imi hotu Estadu no Povu Timor-Leste tomak tamba fo onra boot ida ne’e, ba Max Stal,“ Ingrid hato’o nia sentimentu ne’e bainhira halo diskursu iha semiteriu Santa Kruz, Sexta, (17/12).
Max rasik mak husu atu mai haloot iha semiteriu Santa Kruz no nia la husu atu haloot iha Inglatera, Suesia no Australia no nia hakarak tebes atuhaloot nia iha Santa kruz hanesan nia uma rasik. Nia esplika
Fatin ida ne’e moos importante loos ba Max nia moris rasik tamba eventu sira ne’ebé akontese iha Santa kruz iha loron 12 fulan Nvembru tinan rihun ida atus sia sianulu resin ida halo Max respeita liu tan ba Povu Timor-Leste.
Nia moos hhatutan, molok atu husik is ho aten brani Max Stal hela lian ba Ingrid dehan ha’u nia lian sei moris iha ha’u nia filme sira, no arkivu CMSTL mak presente furak ba povu Timor-Leste. No Ingrid moos husu ba Governu Timor-Leste atu legaliza estatutu CMSTL nia iha futuru.
Iha fatin hanesn Ministru Presidente Konsellu Miniteru Fidelis Manuel Leite Mgalães, lori Primeiru Ministru Taur Maran Ruak no Oitavu governu nia naran hato’o solidariedadeba Saudosu Max Stal nia Familia.
“Ohin ita hatur Saudosu Max nia urna iha semiteriu Santa Kruz, fatin ne’ebé nia halo testemuña no halo gravasaun video ba Masakre ne’ebé halakon foin sa’e Timor-Leste nia vid aba Mundu nternasional ho ida ne’e Governu Timor-Leste hato’o sentimentu koletivu nu’udar nasaun ba Max Stal nia istoria, Ita hotu hamutuk hodi fo onra ba Saudosu Max Stal nia memoria no ba ita hotu ninia hakarak atu kontinua manten preserva ninia legadu sira,” Dehan Ministru Presidente Konsellu Ministru Fidelis Manuel Leite Magalhães iha nia diskursu bainhira partisipa haloot Saudosu Max Stal nia sinzas iha semiteriu Santa Kruz. Sexta, (15/12).
Fidelis moos fohanoin ba foin sae sira iha Timor-Leste konaba Max ninia kontribbuisaun liu husi ninia ideis no ninia hahalok no nia moos husu ba foin sa’e sirabele aproveita, importansia husi preserva nasaun ninia memoria no record istoriku sira ne’ebé Max grava no preserva lideres no povu babain tomak nian.
Fidelis reforsa tan, Max representa solidariedade internasional ema Inglesh ne’ebé sempre lori kamera hanesan ninia kilat nohusik hela konfortuk ida inglesa nian hodi ba simpatiza ho povu sira iha nasaun oioin ne’ebé mk sofre hela liu-liu Timor-Leste iha momentu ne’eba no hodi halo kobertura no nia laran monu ba Povu Timor no hela metin, ida ne’e hanean lisaun idaba foin sa’e sira bele ku’u katak importante tebes ba governu no Povu Timor-Leste atu konsiente.
Fidelis moos konsidera Max Stal Timor oan hanesan ita hotu Timor oan tamba Max hola nafatin Timor-Leste nia memoria nasional ho nu’une Max la haketak iha ita nia fuan.
Nia moos garantia konaba CMSTL nia futuru, Governu Timor-Leste liu husi gabinete Primeiru Ministru serbisu makaas atu resolve estatutu CMSTK nia hodi garante autonomia no atu bele asegura nia sustentabilidade hodi jerasaunn foun sira iha futuru bele aproveita no hetan benefisiu hosi CMSTL Max ninia legadu sei moris ba nafatin. Tamba Max Stal sempre preokupadu ho CMSTL nia futuru no governu Timor-Leste iha komitmentu no komprimisu atu garante futuru CMSTL nian.
Partisipa iha serimonia haloot Saudosu Max Stal nia urnas ne’e, Ministru Presidente Konsellu Ministru Sr. Fidelis Manuel Leite Magalhães, Cefe Estadu Maior Maijor Lere Anan Timor, Premeadu Novel da PazDr. Jose Ramos Horta, representante Dozi Novembru Sr. Grigorio Saldanha, Padre Domingos Maubere, Membru Governu no membru Parlamentu Nasional no Komunidade iha Dili.
