F-FDTL Tenke Servi ho Profesionalismu
TIMOROMAN.COM – Bispu Dioseze Dili, Dom Virgilio do Carmo husu ba Inistituisaun Falintil-Forsa Defeza Timor-Leste (F-FDTL) atu servi Povu ho Profesionalismu hanesan buat ne’ebe mak São Miguel hatudu ona.
“Parabens ba forsa aramadas ne’ebe mak fihir ona Arcanjo Miguel nudar mahein, saida mak hau bele deskobre husi nia, no bele apriende husi nia, hodi bele sukat hau nia devosaun,” haklaken Dom Virgilio liu husi homelia iha misa anivesriu ba dala rua São Miguel iha F-FDTL, Fatuhada, Kinta (05/10).
Nia mos husu ba atu banati tuir anju sira nia ezemplu basa anjo sira mak mestri, tan ne’e nia prejensa iha instituisaun nia laran tenke sai sinal da esperansa nakonu nafatin ho esperitu.
Dom Virgilio mos apela ba F-FDTL atu servisu ho profesionalismu hodi servi povu no nasaun ida ne’e bele moris iha pas no hakmatek nia laran.
Fatin hanesan Vise Xefe Estadu F-FDTL Brigadeiro Filomeno Paixão informa ba jornalista katak, selebrasaun misa ida ne’e imporante tebes tanba São Miguel hanesan parduerio instituisaun F-FDTL nian.
“Ami rasik mak hola desizaun foti São Miguel ba ami nia pardueiro tanba konsdeira ita maioria katoliku, tanba iha rai seluk ne’ebe maioria katoliku mos sira sempre iha santo parduerio ba sira,” haktuir Brigadeiro Filomeno Paixão.
Iha observasaun diariu ne’e, misa prezide husi Amu Bispu Dioseze Dili, Virgilio do Carmo, partisipa husi Coronel Falur Rate Laek, Xefe Casa Sivil, Ana Pesoa, espoza Maior Jeneral Lere Anan Timur, nomos membru F-FDTL. (mar)
