Fretilin ‘Domina’ Orgaun Soberania
TIMOROMAN. COM-Prezidente Parlamentu Nasional (PN) Aniceto Longuinhos Guterres Lopes, afirma Partidu Frente Revolusionariu Timor Leste ( Fretilin) okupa orgaun soberania tanba hetan konfiansa husi povu. Liu husi rejultadu eleisaun jeral maske laiha partidu ida mak manan absoluta, maibe Fretilin mais votadu.
“Publiku preokupa hó partidu Fretilin okupa iha orgaun soberania hotu, ne’e mensajen ida mai husi povu rasik katak Fretilin mak bele lidera iha Parlamentu no Governu,” hateten Prezidente PN Aniceto ba Jornalista, hafoin enkontru hó Prezidente Republika (PR),Francisco Guterres ‘Lú-Olo’, iha Palasiú Prezidensial Nicolau Lobato Bairru-Pite, Kinta (7/9).
Prezidente PN eleitu ne’e esplika , hili Prezidente PN tuir rejimentu hó maioria absoluta tan ne’e klaru Fretilin mak absoluta ona iha PN, mak hodi hili meja Parlamentu.
Tanba, hare husi rezultadu povu tomak iha Timor laran mak hatudu duni ba partidu Fretilin hodi bele okupa hotu orgaun soberania.Nune’e mos Fretilin nia ema mak sei okupa Primeiru Ministru (PM) ne’e hanesan eleisaun legislativa nian.
“Iha eleisaun legislative mak povu hatudu Fretilin mak bele lidera tan ne’e mak defende kestaun politika iha koligasaun, bainhira politika la’o loos demokrasia nia dalan mak hanesan ne’e ona,” haktuir Prezidente PN Aniceto.
Nia hatutan, hanesan konkerdansia hakarak fahe poder ne’e mós defende ba partidu ne’ebé mak forma ona koligasaun. (anu)
