Sidadaun Indonezia Viola Vistu Numeru A’s Iha TL
TIMOROMAN COM- Sidadaun estranjeirus ne’ebe tama iha Timor Leste (TL) Polisia Nasioal Timor Leste husi Unidade Imigrasaun identifika sidadaun Indonezia mak viola vistu nia numeru as liu.
Tuir Komandante operasaun Imigrasaun, Inspector Fortunato F. Guteres, hateten Polisia imgrasaun kontrola ema estranjeru ne’ebe tama iha nasaun Timor sidadaun Indonezia mak viola vistu a’as iha TL.
“Sidadaun estanjeirus ne’ebe halo servisu ba parte profisional ninian, sira tenke uza vistu trabalho, se sira la uza kontra ona regras imigrasaun numeiru 9/ 2003 komesa husi artigu 619, ” informa Inspector Fortunato ba Jornalista, iha Ministeriu Interior Kaikoli, foin lalais ne’e.
Nia esplika, kompania balun fo servisu ba sidadaun estranjeirus ho permenente laiha vistu tralbaho illegal, kontra mos artigu 116 ho ninia sansaun ba infrasaun ho osan $ 250 ne’e pesoal, mais kompañia ne’ebe mak fo servisu ba ema la autorizasaun kada kompañia tenke hetan multa minimu $ 90.
“Balun ne’ebe mak aplika sansaun infrasaun selu labele, tuir prosesu imigrasaun nian tuir artigu 64 katak fo notisia abandona voluntariu ba sira, para sai husi teritoriu nasional TL durante loron 10 nia laran,” katak Inspector Fortunato.
Nia mos relata kona ba operasaun sempre halo fiskalijasaun kontrolu ema estranjeirus iha teritoriu nasional, tanba tuir migrasaun ninia pontu de vista katak ema ne’ebe mak hela no halo aktividades balun profisional, no balun la ho autorizasaun.
Aleinde ne’e servisu imigrasaun sempre halo inspesaun ultimu servisu katak sidadaun estranjeirus ne’ebe tama husi ne’ebe de’it no halo aktividade saida de’it imigrasaun tenke halo kontrolu, tanba kadaves sira halo aktividades profisional hanesan kontrusaun iha TL, mais sira mai ho viza turista.
Nia haktuir tan, servisu migrasaun sempre halo nia dever kompri tuir lei migrasaun estranjeirus numeiru 2003, no mai halo manamentu ba lei numeru 11 /201. Nomos lei organika servisu migrasaun numeiru 30 / 2009 katak fo dalan ba servisu migrasaun atu halo kontrolu ema estranjeirus sira ne’ebe mak komesa husi ninia tama hela no sai husi tertoriu nasional. (mj8)
