Lori Funsionariu Barak, La Halo Servisu, PM Rui: Tenke Hatudu Provas
Timoroman.com-Primeiru Ministru (PM), Rui Maria de Araújo husu Sosiedade Sivil hatudu provas bainhira hare membru Governu balun hala’o viazen ba estranjeiru lori funsionariu barak, maibé la halo sevisu.
Primeiru Ministru, Rui Maria de Araujo hateten, viagen ne’ebé membrus Governu sira halo ne’e iha kontestu implementasaun sira nia mandatu no servisu ne’ebe sira tenki halo iha Ministeriu ne’ebe sira tutela ba.
“Se iha informasaun katak, membru governu sira lori funsionariu barak ba la halo servisu, entaun hatudu provas mai para ita halo prosesu disiplinar.” esplika Primeiru Ministru ba jornalista, iha Palasiu Governu, Sesta-Feira (18/11).
Priomeriu Ministru haktuir, regras iha ona, ne’e duni kuandu akontese iregularidade ruma ita bele foti prosesu disiplinar hasoru ema sira ne’e.
Antes ne’e, Diretur Ezekutivu Luta Hamutuk (LH), Mericio Akara kestiona katak, Ministeriu balun ba estranjeiru lori funsionariu barak tebes maibe la halo servisu no gasta de’it osan estadu.
“ita iha ona Embaixada iha rai liur nomós iha ona adidu sira ne’ebé bele tau matan ba Ministru balun ba iha rai liur, ne’e duni kuandu Ministru sira atu halo viagen ba iha estranjeiru la presija lori ona funsionariu barak” .”esplika Mericio Akara. (sal)
