Asaltu Malu Tan Rai, Suspeitu Na’in Rua Tama Prizaun Preventiva
Timoroman.com- Ema na’in rua hetan kanek no na’in rua tama prizaun preventiva, tanba deskonfia asaltu malu iha Suku Dare, Aldeia Lemorana.
Deskonfia hun husi problema ne’e akontese tanba hadau malu rai, ne’e duni halo parte rua ne’e to’o asaltu malu ne’ebé ikus mai rezulta ema na’in 2 kanek no na’in rua tenke hetan prizaun preventiva.
Xefe Suku sesante, Abel dos Santos rekoñese katak, loos duni iha Dominggu (13/11/ 2016) mosu akontesementu hódi rezultadu ema nain rua kanek todan hódi evakua kedas ba iha Hóspital Nasional Guidu Valadares (HNGV).
Akontesimentu ne’e, parte Polisia Nasional Timor Leste (PNTL) to’o kedas iha fatin hodi kaptura suspeitu nain tolu lori ba halo invetigasaun.
“tuir infórmasaun ne’ebé mak ha’u rona, motivu husi kazu ne’e tanba hadau malu rai no polisia konsege kaptura suspeitu nain tolu, ne’e duni iha rezultadu invetigasaun nian, suspeitu na’in rua mak hetan prizaun preventiva no ida fali hetan livre.” dehan Xefe Suku Sesante, Abel dos Santos ba Diariu Timoroman liu husi via telefóne, Dominggu, (20/11).
Xefe Suku Asesante mós infórma, rai ida ne’ebé mak sira hadau malu ne’e la’os sira nia rai, maibé rai partensia ba estadu nian mais tanbsá mak kazu ne’e akontese ita presiza buka hatene loloos ninia kronolojia.Prosesu ba kazu ne’e tama ona iha Tribunal, ne’e duni ita hein de’it ninia prosesu tuir mai.
Iha fatin hanesan, Segundu Komandante Polisia Nasional Timor Leste (PNTL) Munisipiu Dili, Superintenidenti Asistente, Euclidis Belo hateten, nia parte simu duni infórmasaun katak, iha aldeia Lemorana, Suku Dare akontese duni problema maibé ninia parte rasik seidauk hatene motivu husi kazu refere, ne’e duni ita hein de’it relatoriu husi parte invetigasaun nian.(anu)
