Deskonfia Sidadaun Estranjeiru Naok Ikan
Timoroman.com -Deskonfia sidadaun estranjeiru naok ikan no soe bomba iha Tasi area Munisipiu Lautem nian hodi estraga ikan. Iha loron 24 Outubru 2016 grupu peskas ilegais tama mai iha area tasi parte Tutuala sidadaun nian hodi naok ikan. Iha akontesimentu ne’e sidadaun estranjeiru ne’ebé ho intensaun mai naok ikan soe mós bomba ba tasi laran.
Deskonfia ema sira ne’e husi Indonesia no sira tama mai iha kalan boot. Iha momentu ne’ebá peskador illegal sira ne’e konsege lori ikan. Maibé, ita ninia autoridade seguransa Unidade Polisia Maritima (UPM) la konsege halo kapturasaun tanba falta de ekipamentus no distansia Postu UPM iha Com dok husi Tutuala.” dehan Komadante Polisia Nasional Maritima Superentendente Lino da Silva Saldanha iha Salaun enkontru FONGTIL Kaikoli
Dili,(27/10).
Komandante Polisia Maritima ne’e haktuir, iha akontesimentu ne’e komunidade sira iha parteTutuala nian mak hetan peskas ilegais sira ne’e tama mai, sira konsege naok ikan no ikan balunmate iha tasi leten tanba impaktu husi soe bomba. Bainhira ita nia komunidade hare situasaunne’e, komunidade hakilar hafoin mak peskas ilegais sira ne’e halai mais sira kontinua so’e
bomba.
Relasiona ho situasaun ne’e, Lino da Silva Saldanha rekoñese katak daudauk ne’e Polisia UPM infrenta hela problema kona ba menus fasilidade, liu-liu Ró ba patroilamentu iha area tasi nian.
Nia mós husu ba Governu atu halo manutensaun ba Ró ne’ebé mak avaria hela hodi nune’e membru UPM bele uza hodi hala’o patroliamentu ba iha tasi.
“UPM enfrenta hela fasilidade, ne’e duni iha akontesimentu foin lalais ne’e
ami la konsege halo kapturasaun, tanba infrenta hela dezafiu.” tenik Saldanha.
Daudaun ne’e ita nia governu komesa hadia hela Ro patroilamentu no espera katak iha fulanDezembru nia laran bele fahe ona ba iha membru sira hodi halo kontrolasaun iha area tasi nian.(ViQ/Son)
