Baku Membru PNTL, Ekipa Investigasaun Ba Ona Oe-cusse
Timoroman.com –Komandu FALINTINL Forsa Defeza Timor Leste (F-FDTL) liu
husi ninia Polisía Militar (PM) nomós Polisía Nasional Timor Leste (PNTL)
haruka ona ekipa ida hodi ba halo investigasaun ba kazu ne’ebé akontese iha
Regiaun Autonomia Oe- cusse
Komandante Jeral Polisia Nasional Timor Leste (PNTL), Komusariú, Julio da Costa
Hornay hateten, daudauk ne’e Komandu husi parte rua (F-FDTL no PNTL) foti ona medidas hodi haruka sira nia ekipa hodi ba halo investigasaun klean ba problema ne’e. Polisía Militarsei halo investigasaun ba soldadu F-FDTL ne’ebé mak halo problema nomós husi parte PNTL nian mak sei halo investigasaun ba membru polisia tranzitu nian.
“Sira sei halo investigasaun ba ida-idak nia membrú, depois hotu tiha mak foin halo relatoriu Hodi entrega ba ekipa konjuntu para halo invetigasaun klean liu kona ba problema ne’ebé akontese iha rejiaun Oe-Cusse entre membru F-FDTL ho PNTL.” dehan Komisariú, Julio Hornay ba Jornalista iha Kuarte Jeral Polisía Nasional Timor Leste (PNTL) Kaikoli, Kinta (27/10).
Nia hatútan, problema ne’e akontese iha rejiaun Oe-Cusse tanba Soldadu ne’e la uja kapaseti, ne’e duni Polisía Tranzitu hasé maibé soldadu ne’e hatan mós liafuan ne’ebé mak la edukativu tan ne’e mak mósu tiha problema.
Iha regras tranzitu ne’e la’os ema seluk nian, maibé individual nian tanba barak mak hetanasidenti trafiku hodi lakon sira nia vida tan deit la uja kapasete, pois mak foin hakfodak katakohin uja kapasete karik diak sei la akontese dezastre hanesan ne’e.
Hodi prevene numeirú asidente trafiku mak Governu hodi kria lei ne’e ba sidadaun hotu-hotuatú bele iha konsiensia la’o ho trasnporte tenke kalma no tuir regras ne’ebé mak estabelese tiha ona iha nstitusaun PNTL.(anu)
