ANM Timor-Leste Halo Kunjungan ba PPSDM Geominerba iha Indonézia

TIMOROMAN.COM-Autoridade Nacional dos Minerais (ANM), I.P. hamutuk ho Autoridade Nacional do Petróleo (ANP), I.P. halo visita ofisiál ba Pusat Pengembangan Sumber Daya Manusia Geologi, Mineral no Batubara (PPSDM Geominerba) iha Indonézia, iha loron Kinta, 29 Janeiru 2026.

Kunjungan ne’e parte hosi estúdiu banding ofisiál ne’ebé ANM halo iha Indonézia, ho objetivu atu prepara Rancangan Decreto-Lei kona-ba Fair Work no relasaun ketenagakerjaan iha indústria ekstraktivu Timor-Leste.

Durante enkontru ne’e, delegasaun ANM no ANP simu apresentasaun detalhadu kona-ba modelu formasaun vokasionál no tekniku, sistema dezenvolvimentu kompeténsia ne’ebé baseia ba nesesidade indústria, no papel PPSDM Geominerba iha sustenta padraun seguransa no saúde iha traballu (K3) hanesan parte integrál husi setor minerál.

ANM konsidera prátika ne’ebé implementa husi PPSDM Geominerba hanesan referénsia relevante atu ajuda iha formulasaun regulamentu kona-ba formasaun obrigatóriu, dezenvolvimentu kompeténsia, no aumentu habilidade traballadór iha Timor-Leste.

Visita ne’e fó oportunidade ba ANM atu aprende hosi esperiénsia Indonézia, no hakarak adota prátika diak ne’ebé bele fortifika kerameka regulamentu ketenagakerjaan iha Timor-Leste. ANM espera katak husi aprendizajen ne’e bele proteje direitu traballadór, aumenta profisionalizmu traballadór nasional, no sustenta dezenvolvimentu setor minerál ne’ebé duradouru no konkurénsia iha nivel internasionál.

Kunjungan ba PPSDM Geominerba hatudu kompromisu ANM no ANP atu fó prioridade ba proteksaun traballadór, dezenvolvimentu kapasidade humano, no lidera setor ekstraktivu Timor-Leste ba futuru ne’ebé sustenta.***