IFC Sei Hakarik Apoiu Projeitu Tenaga Surya 90-MWp iha Timor-Leste
TIMOROMAN.COM-International Finance Corporation (IFC), parte setor privadu husi Grup Bank Mundial, sei konsidera apoia finansamentu ba projeitu centrais eletrika tenaga surya kapasidade 72-MWac/90-MWp ho sistema armazenamentu bateria iha Timor-Leste, tuir divulgasaun projeitu ne’ebé publika iha Segunda-feira.
Investimentu ne’e sei suporta Timor Solar SPV, entidade especial ne’ebé kria atu dezenvolve projeitu hibridu foun: centrais eletrika fotovoltaiku ho sistema armazenamentu energia bateria (BESS) kapasidade 80 MWh iha municipiu Manatuto.
Empreza projeitu sei kompartilha entre EDF Power Solutions International SAS ho parte 50,99%, EDF Power Solutions Développement SAS ho 0,01%, no I-Environmental Investments Pacific Pty Ltd ho 49%. Entidade EDF sira mak subsidiária husi empresa utilidade Fransa EDF, entre I-Environmental Investments Pacific mak unidade husi empresa komérsiu Japaun Itochu Corp.
Projeitu ne’e klasifika hanesan iha risku ambiental no sosial limitadu, no lokaliza 14 kilometru husi Manatuto, besik dalan prinsipal ne’ebé liga Manatuto ho Baucau.
Investimentu ida ne’e seidauk aprova, no Konsellu IFC sei konsidera projeitu ne’e iha loron 23 Fevereiru 2026, tuir divulgasaun ofisiál.***
