Promesa Austrália ba Timor-Leste: Partilha 10 Porsentu Projetu Gás no Oportunidade Servisu 10.000
TIMOROMAN.COM-Austrália no Timor-Leste konkorda ona katak projetu gás ne’ebé atrasadu tinan barak entre nasaun rua tenke dezenvolve lalais liu, tuir kriasaun “parceria foun ba era foun”.
Primeiru Ministru Austrália, Anthony Albanese, halo ona viajen ba nasaun ilhas ki’ik ne’e ba dala primeiru, no hasoru ho Primeiru Ministru no Prezidente Timor-Leste.
Durante tinan barak, Timor-Leste kontinua halo presiza katak gás hosi projetu Greater Sunrise iha Tasi Timor tenke prosesu iha tasi ibun iha parte sul nasaun ne’e.
Maibé, kompanhia sira ne’ebé responsavel ba dezenvolvimentu projetu ne’e to’o agora insiste katak prosesamentu gás iha Austrália sei kustu ki’ik liu.
Depois diskusaun entre Albanese no Primeiru Ministru Xanana Gusmão iha loron Kuarta-feira, lider rua sira hateten katak sira iha “ambisaun hanesan atu dezenvolve Greater Sunrise lalais liu”.
“Austrália rekoñese kompromisu Timor-Leste ba prosesamentu iha rai laran,” hateten sira iha deklarasaun hamutuk.
“Austrália sei suporta solusaun ida-idak ne’ebé viável tuir aspektu komersial atu dezenvolve Greater Sunrise.”
Depois enkontru lider rua sira ne’e, Gusmão hateten katak nia sublinha ba Albanese importância prosesamentu gás projetu ne’e iha rai laran, iha Timor-Leste rasik.
“Ida ne’e importante loos ba dezenvolvimentu nasionál ita nian,” nia hateten ba jornalista sira iha kapitál Dili.
Tuan Albanese hateten katak iha kestaun komersial sira iha prosesu negosiasaun ne’e, maibé governu federál Austrália sei akompanha no superviza projetu ne’e.
Hanesan parte hosi akordu ne’ebé atinji entre lider rua sira, Austrália promete atu halo transferénsia 10 porsentu hosi rendimentu ne’ebé nia hetan hosi projetu ne’e ba fundu infraestrutura Timor-Leste.
Albanese mos hatudu metan katak to’o tinan 2027/28, ema servisu Timor-Leste 10.000 sei hetan oportunidade traballu iha Austrália — aumenta hosi liu 5.000 ema ne’ebé agora iha ona.
Vizita ida ne’e akontece depois Timor-Leste sai membru foun ASEAN, organizasaun diplomátika importante iha Ázia Sudeste.
“Timor-Leste mak belun ida, no nia iha belun sira iha Austrália,” hateten Senyor Albanese.
Durante vizita ne’e, Senyor Albanese sei halo diskursu iha Parlamentu Timor-Leste, antes simu kondekora sivil aas liu iha nasaun ne’e, Kalung Boot Orde Timor-Leste.***
