Programa Formasaun Jornalismu husi ABCID Atu Hetan Komunidade Rurál iha Timor-Leste
TIMOROMAOMN.COM-Premiadu programa formasaun jornalizmu, ne’ebé dezenvolve husi ABC International Development (ABCID), hetan atinjimentu boot; oferese la’os deit iha lian Inglés ba dala uluk.
Konsellu Imprensa Timor-Leste servisu hamutuk ho ABCID hodi oferese programa Foundations of Journalism (FoJ) iha lian Tetun, durante formasaun intensivu loron lima iha munisipiu rural, Ainaro, iha parte sudeste Dili nian.
Jornalista sanulu-resin-rua hosi estasaun rádiu komunitária rua no mídia dijital ida atende formasaun ne’e, sira balun halo viajen to’o oras neen hodi tuir formasaun, ne’ebé sira deskreve hanesan prátiku no inspiradór.
Ba Maria Bibel husi Konsellu Imprensa, hato’o programa iha lian Tetun marka pasu importante ida hodi hametin jornalizmu lokál ba repórter foun no esperiente sira.
“Materia hotu-hotu ne’ebé fahe detalla tebes no kursu hotu-hotu bainhira download ona, iha sira nia telefone, no sira bele asesu fali iha tempu saida deit la persija ligasaun internet,” nia hatete.
“(Ida-ne’e halo) sai fásil liu ba sira atu vizita fali no aprende filafali kursu sira hotu bainhira sira fila fali ba sira nia servisu fatin ka bainhira sira iha pergunta ruma bainhira hala’o sira nia servisu.”
“Ha’u nia parte favoritu maka diversidade iha konta istória, aprende oinsá inklui ema sira hosi orijen oioin iha ami nia istória sira no uza linguajen ne’ebé sensivel ba jéneru”, hatete Afriana Santos da Silva hosi estasaun rádiu Balibo Five.
“Wainhira ha’u fila fali ba ha’u nia servisu fatin, ha’u sei fahe saida maka ha’u aprende ona ho ha’u nia kolega sira atu nune’e koñesimentu ne’e bele fahe ba ema barak liután.”
Altino da Silva Sarmento husi Rádiu Komunidade Laclubar, Lian Idate, fiar katak formasaun ne’e sei sai bukae ba prátika sala redasaun iha futuru.
“Ida-ne’e ajuda hadi’a ami nia abilidade hakerek no edita notísia sira ba plataforma oioin, inklui ami nia mídia sosiál” nia hatete.
Dezafiu sira konetividade nian rezolve liuhusi uza teknolojia internet satélite portavel hodi asegura katak partisipante hotu bele asesu ba módulu aprendizajen online, FoJ, ne’ebe dezenã ba aprende mesak.
“Ida-ne’e furak tebes tanba ida-ne’e halo ami sente hanesan ami la’ós iha área rurál,” dehan Mana Bibel.
“Baibain so iha Dili de’it mak ami iha ligasaun internet ne’ebé di’ak, maibé bainhira ami iha portavel…kit ho ami, ida-ne’e halo buat hotu sai fásil liu.”
Membru ekipa Konsellu Imprensa kompleta ona workshop Treinamentu ba Formador sira iha Dili iha inísiu tinan ne’e, ne’ebé fó dalan ba sira atu fornese kursu FoJ, inklui aprendizajen online no fasilita workshop direita.
Harii kapasidade formador Timor-oan sira nuudar elementu importante ida tan husi serbisu ABCID nian tanba ida-nee promove sustentabilidade setór midia nian no garante aprendizajen lokál sai relevante liu tan.
Formasaun ida-ne’e mos halo ona iha Tonga, Papua Nova Guinea, Palau, Fiji, Tuvalu, no Kiribati
Ninia komponente online iha lian Inglés, Tetun, Tonga, Pijin Illa Solomon, Bahasa Indonesia, no Samoa.
“FoJ bele ajuda hadi’a futuru jornalizmu iha Timor,” dehan Sra. Bibel.
“Wainhira jornalista lokál sira bele asesu kursu sira hanesan ne’e, sira bele dezenvolve sira nia abilidade no harii mídia ida forte liu tan.”***
