Lere, Husu Jerasaun foun F-FDTL atu banati regras Militar

TIMOROMAN (DILI) —Cefe Estadu Maior Maijor Falintil Forsa Defesa Timor-Leste F-FDTL Tanente Jeneral Lere Anan Timur husu ba membru F-FDTL jerasaun foun atu banati tuir regras ne’ebé nia husik hela iha vida Militar.

“Husu ba jerasaun foin sa’e sira lebele depende ba ami, tamba ami katuas ona, imi hotu hatene katak ha’u atu ba vida sivil ne’ebé imi tenke prepara an no aprende  didiak buat hotu ne’ebé ami halo ona back imi iha intituisaun F-FDTL no tenke banati tuir hahalok ne ‘ebé mak diak.” Hateten Cefe Estadu Maior Maijor F-FDTL Jeneral Lere Anan Timur iha nia diskuru wainhira sai orador iha seminariu ba F-FDTL iha Quarter Jeral Fatuhada. (28/01)

Nia hatutan agora komesa hahu ona komando jerasaun foun nia no komandante Falur mak sei hamutuk ho imi, bainhira nia mos reforma ne’eduni jerasaun foun tenke aprende barak no ha’u konfia imi, imi mos tenke halo reflesaun hahu husi 2001 to’o ohin loron atu sai hanesan esperiensia ba imi atu halo desemvolvimentu iha instituisaun nia laran hodi servi povu no ita nia nasaun.

Seminariu ne’e orador nain tolu mak hanesan, Cefe Estadu Maior Maijor Lere Anan Timur, Tanente Koronel Bersama no moos Dr. Jose Lobato, seminariu ne’e ho nia tema Lideransa Militar Credivel no Kompetente ne’ebé hetan partisipa husi komandante no kapitaun sira husi F-FDTL iha Quarter Geral Fatuhada Dili.**