Cidalia Preokupa ho Joven Hela Iha Uma ‘Kost’
TIMOROMAN.COM – Espoza Prezidente Republika (PR) Cidalia Nobre Guterres, preokupa tebes ho joventudi ne’ebe hela iha uma kost tanba sira bele livre lori malu ba iha fatin refere.
“Ita la bele interse de’it simu osan husi uma Kost, maibe presiza mos kontrola no regula didiak fatin kost, liu-liu joventude sira , atu nune’e sira labele lori balu ba fatin refere, hodi livre halao buat ne’ebe ladiak,” afirma Cidalia Nobre Guterres ba jornalista, iha Aldeia Naroman Beto-Comoro, Kinta (14/09)
Nia preokupa ho fatin Kost tanba tempu kotuk liu ba, inan feto balun soe bebe lahatene loos bebe nia inan husi bairu ida ne’ebe, tan de’it falta de kontrolu.
Ho preokupasaun hirak ne’e espoza PR sei hato’o ba iha Governu foun nia hanoin ba oin ita koalia to’ok ho Governu foun, hodi bele eveta ho ransu livre ne’ebe ohin loron akontese.
“Ita mak hakarak halo aktu ida ne’e ho liafuan karik bebe ne’e mai ita mak komvida nia, laos nia tur-tur nia mai deit,” relata Cidalia
Nia dehan tan, hahalok ne’ebe halo ona to’o isin rua, maibe labarik moris mai feto ho mane laiha responsablidade soe bebe ne’e ladiak,tanba impaktu husi relasaun livre.
Nune’e mos presiza kontrola fatin kost hanesan sira hela hamutuk tenke buka hatene husi parte sori-sorin kona ba mane ho feto ida ne’ebe hela iha kost hamutuk.
Fatin hanesan xefi suku Madohi, Bernadinu de Cristi Ferreira, mos preokupa tebes fatin kost, tan ne’e agora dadaun sira foti mos dadus ba sira ne’ebe mak mai hela iha uma Kost, atu nune’e bele halao mos kontrolsaun ba sira.
Hanesan autoridade lokal obrigasaun atu kontrolu kost iha ninia suku laran, hodi nun’e bele evita mos ba preokupasaun seksu livre ne’ebe entidade hotu preokupa durante ne’e. (mj4)
