Oknun PNTL Harahun Sasan
TIMOROMAN. COM-Komunidade Aitarak laran lamenta tebes ho atetudi brutalismu husi oknum Polisia Nasional Timor Leste (PNTL) ho inisial VA ne’ebe harahun komunidade nia sasan.
Tuir kronolojia akotensementu ne’ebe hato’o husi Portavos, Hermenegildu Same, katak, iha loron Domingu (3/9) kalan, maijumenus tuku 24 : 00, otl, VA mai ho kondisaun lanu estraga sira nia sasan hanesan biliar tolu, meza ida, no motor Vixion ida.
Hanesan komunidade Aitarak laran, Suku kampung Alor hakarak hato’o keixa liu husi karta ba komandu PNTL.
“Ami husu ba Komandu PNTL tenke prosesa kazu ne’e lalais, tanba ami nia sasan estraga ne’e to agora ami seidauk foti, hein hela prosesa ba kazu ne’e,” dehan Hermenigildu ba Jornalista, iha konfrensia imprensa iha Aitarak Laran, Tersa (05/09).
Nia dehan, komunidade Aitarak durante ne’e bairu ida naran hakmatek,laiha problema, maibe ho asaun ne’ebe halo husi VA, hanesan komunidade lamenta tebes tanba hanesan PNTL sira mak implementa lei no orden, maibe sira rasik mak kontra lei hodi mai estraga fali komunidade nian sasan. (Mj8)
