Lere: Konflitu Mosu Tan Lider Polítiku Inkapasidade

DILI (Timoroman) – Konflitu ne’ebé mosu iha Raikotu, Suku Comoro, Sesta (03/03) liubá, tuir Xefe Estadu Maior Jeneral F-FDTL, Lere Anan Timor, tan inkapasidade hosi lider polítiku, atu kontrola sira-nia apoiantes.

“Sei iha faze kontinuasaun kampaíña, karik akoñtese hela de’it konflitu hanesan ne’e, ita bele dehan lider polítiku sira inkapasidade duni. Tantu, liderasaun hosi jerasaun foun ho tuan,” dehan Jeneral Lere ba jornalista, Segunda (06/03) iha Kuartel Jerál F-FDTL, Fatuhada, Dili.

Tuir jeneral fitun rua ne’e, uluk nia dezafia kapasidade lider polítiku ida-idak iha Timor. Tanba, eleisaun jerál ne’e primeira ves mak Timor rasik komanda.

“Bainhira mósu hela deit konflitu, ida ne’e hanesan hatudu hela de’it ita nia maturidade no ita nia responsabilidade, indisplina no kapasidade,” nia dehan.

Entretantu, tuir Lere, meus sira ne’e mak tenke tau atensaun ba aspeitu hirak ne’ebé, mak merese duni atu implementa. Atu nune’e, kampaíña tuir mai, labele mosu tan konflitu hodi harahun komunidade sira nia uma. (anu)