Bruno Fernandes Deside Nia Futuru
TIMOROMAN.COM-Bruno Fernandes kontinua kometidu ba Manchester United. Maski tempu ne’ebé turbulentu bainhira Darren Fletcher no Michael Carrick simu kargu hanesan manajer interinu depois husi demite Ruben Amorim, jogadór internasionál Portugál ne’e acredita katak “la iha rason atu sai lalais.”
Planu inicial Fernandes mak atu hein to’o tempu verão atu avalia situasaun por kompletu, iha momentu ne’ebé nia sei iha tinan ida deit iha kontratu ho MU. Antes, meio-campista ne’e rejeita oferta atraktivu husi Al Hilal iha verão kotuk no kontinua simu interesse estável husi klube sira iha Liga Pro Saudi. Maibé, se nia sai husi Old Trafford, nia prioridade mak kontinua joga iha Európa.
Fernandes mos konfesa sente “susar iha laran” bainhira nia hatene katak Manchester United prontu atu fa’an nia se simu oferta ne’ebé apropriadu. Meio-campista ne’e sente katak lideransa senior klube la sincero iha komunikasaun, liu-liu tanba manajer Amorim hakarak kontinua ho nia.
Maibé agora, Fernandes kontinua hanesan líder espiritual no la hatudu sinal atu husik barcu turbulentu iha Old Trafford.
Iha lideransa manajer Carrick, Fernandes acredita sei kontinua iha papel importante iha profisionál. Probabilidade boot nia sei fila fali ba posisaun favorito hanesan meio-campista ofensivu iha formasaun 4-2-3-1 iha Old Trafford.***
