Prezidente PN Arao Noe Suspende Kontratu Ospital Manipal Malazia Tanba Ilegal
TIMOROMAN.COM- Prezidente Parlamento Nasional Arao Noe sei suspende kontratu ne’ebe Sekretariu Jeral PN Adelino Afonso de Jesus asina ho reprezentante Ospital Manipal Malazia doutor Gaurav Rekhi tanba ilegal.
Arao Noe konsedera ilegal tanba nia laiha kuinesementu, la liu husi prosesu administrativu formal, inklui laiha dokumentus oesial.
“Ha’u hanesan Prezidente PN, laiha kuinesementu kona ba asina akordu ne’e. Tamba ne’e, se mak deklara kona ba asinatura ne’e, nia mak responsabiliza”, dehan Arao.
Lider masimu PN ne’e mos konsidera katak, maski lori naran parlamento, maibe tenki iha dokumentus oficial atu bele asina la’os koalia ohin, desizaun mai fali husi Konselu Administrasaun hodi komvida ema mai asina la ho baze legal.
Prezidente Parlamento sei uja kompetensia hodi haruka Sekretariu Jeral atu suapende kontratu ne’e, atu hodi hein desizaun loloos tuir regras legal.
Maski nune’e, Arao Neo fiar katak, desizaun ne’e sei la fo impaktu ba relasaun ho ospital Manipal Malazia.
“Tempu badak hau prepara karta atu harula suspende hodi hein prosesu administrativu kompletu”, dehan Arao iha PN Sesta (18/01).
Kona ba razaun ne’be hateten Hospital iha Timor laiha kapasidade, Arao dehan husu ba Sekretaris Jeral PN mak responsabiliza.
Nia esplika, Parlamento kontrata ospital iha rai liur tanba konsidaera ospital iha rai laran la funsiona ne’e lalo’os.
Entertantu, Sekretariu Jeral Parlamento Nasional Afonso de Jesus, asina akordu ho reprezentante ospital Manipal Malazia iha Kuarta, (16/01).
Kontiudu husi akordu ne’e atu ospital Manipal fasilita Deputadu no funsiunariu PN bele hala’o tratamentu, baihira sofre moras ne’ebe labele kura iha Ospital Naaional Guido Valadares, Timor Leste. Kontratu refere ho durasaun tinan ida. (Jelus).
