PR Lu Olo : Professores Ten ke Domina Lian Portugues
TIMOROMAN.COM– Prezidente Repúblika (PR) Francisco Guterres Lú Olo, husu ba professores tenke domina lian portugues, tanba liu husi lian Portugues bele trasa siensia ba estudante sira sai kualidade.
“PR Lu Olo husu professores tenke hakas an atu domina lian ida ne’e, tanba ho lian ida ne’e mak ita bele transmite siaensia ba ita nia estudante sira,” lia hirak ne’e haktuir husi Ministru Eduksaun, Antonio da Conceição ba jornalista, bainhira remata sorumutu ho PR Lú Olo iha Palasiu Prezidente Nicolau Lobato Bairru- pite, Sesta (08/09).
Nia dehan, PR Lu Olo mós rekonese Timor Leste iha difikuldade bo’ot ida kona ba lian portugues tanba timoroan barak mak sei koalia lian portugues susar liu-liu professor sira.
Maibe, banhira domina lian lingua ne’e la’os fasil atu ema hotu bele komunika iha lian portugues hanesan problema bo’ot ne’ebé mak timoroan hasoru, ne’e duni kompetensia professor sira nian, atu bele hanoirin materia sira neebé mak sira hanorin tenke hanorin didiak.
Tan ne’ e Prezidente Repúblika dehan, hanesan dadaun difikuldade professores atu hanorin alunus sira, iha lian portugues ne’e sei sai problema ba nasaun Timor Leste.
“Lian portugues ne’e hanesan identidade timor nian tan ne’e liu husi lian portugues mak bele trasa siensia sira hodi bele estudante sira iha kualidade atu aprende diak liu tan, para bainhira sira to’o ba iha ensinu superior bele komprende buat barak,” haktuir tan Ministru Edukasaun ne’e.
Antonio relata tuir, PR Lu Olo dehan lian portugues ne’e hola parte ba indetidade timor nian hodi hamrik hanesan nasaun ida, ne’e duni lian portugues ne’e importante tebes ba professores sira. (anu)
