FONGTIL –TAF Asina MoU Hadia Akontabilidade Governu
TIMOROMAN.COM- Organizasaun Forum ONG Timor-Leste (FONGTIL) ho The Asia Fundation (TAF) asina kontratu ‘Memorandun Of Understanding’ (MoU) ba programa hadia akontabilidade Governu liu husi auditorial Sosiál.
Serimonia asina MoU ne’e realiza iha salaun Hotel GL-Villa Aimutin Dili, Sesta, (08/09). Iha seremonia refere partisipa husi Organizasaun Sosiedade Sivil Matadalan Institutu , Caucus, Movimentu Feto Foin sa’e Timor Leste, Organizasaun Juventude ba Progressu, Hasatil no Fokupers.
“Ha’u rasik mak asina MoU ida ne’e hodi implementa iha area Agrikultura, Saúde, Edukasaun, no infra-estrutura baziku, tanba, atu hadia di’ak liu tan akontabilidade Governu,” informa Diretor Ezekutivu FONGTIL, Arsenio Pereira da Silva ba jornalista, iha Aimutin, horseik.
Nia dehan, fundu ne’ebé apoiu husi Uniãun Europea (UE) mai konsorsiu FONGTIL ho TAF montante hamutuk $ 1 Milioes ital, atu implemnta ba tinan rua no programa refere hahu ohin.
Ne’e duni organizsaun 6 ne’ebé ohin asina akordu ne’e atu sira bele ba implementa ho area diferente tanba uluk iha inisiativa ida ne’e atu hare’e auditorial iha area saúde, Edukasaun, Agrikultura no infra-estrutura.
“Ba area saúde iha asuntu ne’ebé espesifiku la’os hare ba saude emjeral tanba alende kapasidade finanseiru no mos kapasidade atu implementa iha tempu badak ho ida ne’e mak servisu hare deit ba area espesiku,” haktuir Arsenio.
Nia hatutan, bazeia ba proposta, planu asaun, no planu orsamentu husi aplikantes sira, kada Organizasaun Nau Govermetal ida sei jere masimu liu trinta mill no balu vinte mill ba implementasaun tanba durasaun tempu fulan ne’en deit.
Fatin hanesan liu husi diskursu reprezentante União, Simon Le Grand, hateten akordu konsesaun ne’ebé ohin asina ne’e rezultadu ida husi komprimisiu UE hodi apoiu inisiativa auditorial sosial iha Timor Leste li-liu husi fundus estratejiku no apoiu tekniku ba sosiedade sivil iha Timor Leste.
Simon mos relata kona ba inisiativa ida ne’e lidera husi Primeiru Ministru, Rui Maria de Araujo, nune’e mos prorama auditorial sosial ne’e sei ajuda hadia Governu nia prestasaun servisu liu husi fornese informasaun no rekomendasaun husi nivel komunidade ba autor xavi no dezisaun públiku sira iha Governu Timor Leste. (mey)
