Prezidente Republika Hasoru Malu ho Mauk Morok, Apela Kumpri Lei no Regra Sira

By on December 26, 2013 , 560 views
taur matan ruak2
Digg ThisShare via email

TIMOROMAN.COM, Dili – Prezidente Repúblika, Taur Matan Ruak, iha Kinta-feira (19/12/2013), akompañadu hosi Komandante PNTL Distrítu Baucau ho eis gerilleiru L7 hasoru malu ho  Mauk Moruk no ninia grupu iha Baucau.

Iha sorumutu ne’e, Xefe Estadu hato’o ninia apelu diretamente ba Mauk Moruk ho nia grupu atu respeita no kumpri lei no regra sira hodi labele uza farda militár sein iha autorizasaun hosi autoridade seguransa nian.

Esplika konaba tansá mak labele hatais farda, Xefe Estadu hatete katak Kuartu Governu Konstitusionál hasai lei ida atu ema hotu-hotu ne’ebé sivíl labele uza farda militár.

“Tanba iha krize 2006, ema sira ne’ebé halai ho kilat ba ai-laran, hatais farda la’o tun sa’e, entaun iha momentu ne’ebá, governu deside para labele hatais farda”, esplika Xefe Estadu.

“Lei ida ne’e prevalese, katak vale  to’o ohin loron”, dehan Xefe Estadu ba Mauk Moruk ho ninia grupu ne’ebé mak konsentra iha eis Rumah Merah, Baucau Vila.
Xefe Estadu salienta liután katak prezidente repúblika nia knaar mak tau matan ba lei hotu-hotu ne’ebé governu halo atu bele tau iha implementasaun.

Responde ba posibilidade atu uza farda iha loron boot sira hanesan 28 Novembru, ne’ebé hato’o husi eis komandante gerilleiru L7, Xefe Estadu sujere atu halo koordenasaun ho parte kompetente, liuliu ho Polisía Nasionál. “Ha’u dehan imi tenke koordena ho Polisía, Polisía tenke ba nia Komandu i  komandu ba Governu, iha ne’e mak foin fó, bele uza ou lae”, esplika Xefe Estadu.

Xefe Estadu hatutan, “Imi ema di’ak, hanoin di’ak hatais farda tanba hadomi, ne’e simbolu ida ne’ebé uluk ita-nia aswain sira uza hasoru Indonézia, mas ema hotu la hanoin hanesan imi, dala ruma  hatais bele halo fali problema. Tanba ne’e kuandu iha loron boot atu hatais, imi tenke koordena ho PNTL” (komunikadu ba imprensa)

Digg ThisShare via email

About domingus

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

*