Atividade Kapital Dili hahu lao Normal

TIMOROMAN.COM-Depois de ferias loron finadu 2/11 (sesta feira), bele sukat katak ferias loron naruk hare husi ponto de toleransia hahu dia, 1/11 (kinta feira) to’o 4/11 (loron domingo).

Maibe hahu ohin dia, 5/11 (segunda feira) movimentu atividades hahu lao normal depois de komunidade fila.husi ferias finadu husi ida-ida nia distritu.

Iha fatin balu ita bele nota ona istrada protokolo hanesan parte Nicolao Lobato  ba tasi-tolu no husi Statua Proklamador Avo Xavi ba Bekora komesa rame hikas ona, nune mos transporte publiku hanesan taxi ho mikrolet fadiga buka pasajeiru iha dili laran.

Nota mos husi fatin negosiu sira hanesan Timor Plaza, Leader, Lita Store no seluk  kompradores tama-sae rame los.

Husi observasaun timoroman katak instituisaun ba atendementu publiku mos hahu lao.hanesan baibain hanesan instituisaun estadu, governu, ONG, Hospital, Eskola no seluk tan.

Iha sorin seluk ohin iklimi iha Dili hahu dader-san manas maibe  ba oras tk. 2.00 loraik kalohan hahu falun hamahon kapital nee maibe sidauk udan (ja-tr).

Leave a Reply

Your email address will not be published. Required fields are marked *