PN La Kansela Lelaun Prado, MUTL Prontu Mate

TIMOROMAN.COM- Movimentu Universitariu Timor Leste (MUTL) amiasa bainhira  Parlamentu Nasaional (PN) la kansela lelaun karreta prado no sosa kareta foun, sira prontu mate.

Tuir  Protavos Movimentu Univesitariu Shacal (MUSA) sanak husi MUTL, Noe Bernadino Ximenes, hateten sira  lakohi reprezentante povu iha PN halo traisaun ba povu nia liberdade no direitu ba moris diak,  tan deit sira nia ukun kanten la hola parte ba prinsipiu ukun rasik an ida ne’e.

“Lia loos nunka lakon, lia los sempre moris. Karik imi sei haruka polisia no tropa atu tiru no oho  ami  prontu  atu  mate,  se lei ne’e  loos, maibe se lei ne’e sala la iha lia fuan seluk kontra,” dehan Noe Bernadino ba jornalista, liu husi konferensia imprensa iha edifisiu Foram, Farol, Kinta (06/10).

Portavos ne’e hatutan, lia loos maka justisa ba povu tomak, justisa uniku jerasaun ba jerasaun, povo Timor Leste nian, ne’e duni MUTL komprimtidu mos katak hakarak iha valor ba rai no povo ida ne’e.

Nune’e mos  Portavos MUSA  hanesan mos komunidade suku Com Postu Lauten, fiar katak parte Ministeriu Publiku (MP) no Tribunal sei konsidera lei ne’e vale ba ema hotu, laos de’it hasoru povu ki’ik sira.

“Ami husu ba MP no Tribunal atu halo mandadu kapturasaun atraveza PNTL hodi sita karreta prado ne’ebe sedauk intrega ba PN, desobidiensia desizaun popular ne’ebe maka   deputadu PN halo ona,” relata portavos MUSA ne’e.

Noe dehan tan,  atetudi refere hatudu individu membru PN ilegalmente utiliza Patrimonia estadu. Tanba, atetudi ne’ebe individu eis membru deputadu sira halo ne’e mos konsideradu desobideinsia ba desizaun popular ne’ebe mak konsagra mos iha Kodigu penal artigu 224, konsidera flagrante delitu husi membru parlamentu halo altura dia 22/ 24 de Agustu atraves komunikadu Imprensa.

Nune’e mos konsidera  krimi Publiku ne’ebe maka eis membru deputadu sira halo hasoru Povu Timor Leste, tanba viola ona desizaun Popular no habosok ona Povu tomak, konta mos kodigu Penal Atigu 192 kona ba atetude Uju Pekulatu tanba Individu eis membru PN III legislatura utiliza sala Patrimonio estadu nian.

Aliende ne’e eis membru deputadu III legislatura kontra Prinsipiu no vontade luta ba libertasaun Povu maubere ne’ebe konsagra ona iha konstituisaun RDTL 6 konaba Objektivu estadu nian.

Portavos MUSA mos  haktuir deklrasaun eis Prezidente PN,  Aderito  Hugo ho xefi Bankada Partidu  ha’at  husi CNRT, FRETELIN PD FRENTE MUDANSA  katak  kansela no suspende karreta Prado hodi intrega fila-fali ba IV legislatura.

Maibe, to’o agora laiha kanselamentu ba alineasaun refere no eis membru Parlamentu troka ona sapa Matrikula Privadu. (Mj9)

Leave a Reply

Your email address will not be published. Required fields are marked *