PLP Sei Hato’o Proposta LAK ba Meza PN

TIMOROMAN.COM– Deputadu husi bankada Partidu Libertasaun Popular (PLP) tempu badak sei  hato’o proposta  Lei  Anti Kurupsaun (LAK) ba  meza Parlamentu Nasional (PN).

Tuir Vice Prezidenti PLP,  Fidelis Magalaens, katak PLP ninia perioridade primeiru liu mak LAK, ne’e duni sira sei  hato’o proposta ba meza PN.

Hanesan opozisaun   sai airin ida ba demokrasia, tan ne’e sira haksolok tebes haknaran opozisaun nia fatin iha okos nia latur  iha meza.

“Ami nia preokupasaun la’os atu ba asumi kargu hanesan Vice Parlamentu, ida ne’e la’os ami nia prioridade,  tanba  sira iha prinsipiu  ida, lakohi partidu ida de’it atu asumi knar, ka okupa hotu kargu iha orgaun soberania,” hateten Fidelis  ba  jornalista, Sesta (08/09) iha Uma fukun PN.

Vice Prezidente PLP ne’e dehan,  sira sei aprezenta razaun no sei rona mos motivu saida halo Fretilin atu propoint  ida ne’e,  sira sei rona didiak.
Tanba,n PLP nia mehi sai hanesan  opozisaun  sente konfortavel loos tuir iha kraik ho deputadu nain 8  kada deputadu iha area espesialista iha nia area rasik, sira iha koñesementu ne’ebe klean  ba iha sira nia area rasik, sira mos sei involve iha kada Komisaun inportante.

“Hau fiar metin katak deputadu sira kualifikadu, preparadu hotu, atu kontribui ba opozisaun ida ne’e,” relata  deputadu Fidelis.

Reprezentante povu ne’e  haktuir, programas perioridades hanesan sira foin hahu ho deputadu nain 8 hamutuk ho prezidente Partidu, para define fali tanba antes ne’e koalia kona ba perioridades  lubuk ida, maibe presiza ona iha terenu ne’ebe mak sai perioridades numeru um 1.

“ Primeiru LAK  laiha duvida antes ne’e iha eleisaun mos ami koalia, agora mos ami koalia tansa  mak LAK laiha,  ne’e ami nia perioridade, ” akresenta Fidelis.(Mj9)

Leave a Reply

Your email address will not be published. Required fields are marked *