Antonio Hato’o Responsabilidade Ikus ba PR Lú Olo

TIMOROMAN. COM- Koordenador Estadu Asuntu Sosiais no Ministru Edukasaun, Antonio da Conceição, Sesta (08/09) marka audensia ho Prezidente Repúblika (PR) Francisco Guterres ‘Lú Olo’, hodi informa ninia responsabilidade ba asume pozisaun iha VI konstitusionál.

“Hau mai hasoru PR Lú Olo,  atu informa  responsabilidade ikus ne’ebe hau halo durante ne’e,” ”hateten Ministru Antonio ba jornalista, hafoin remata enkontru ho PR Lú Olo,  iha Palasiu Prezidente Nikolao Lobato Bairru-pite, horseik.

Nia haktuir, enkontru ne’e’ aprezenta ba PR mós kona ba servisu sira ne’ebé mak halao iha area saúde nian Gabinete Ministeriu Estadu Koordenador Asusntu Sosiais nian tenta fó apoiu ba iha servisu espitalares mós fó apoiu ba distribuisaun medikamentus.

Nune’e mós iha area edukasaun gabinete Ministeriu Edukasaun fó apoiu ba kontrolu iha merenda eskolar aumesmu tempu mós ba programa partisipasaun alunus sira iha eskola no professor sira ninia dezenpeñu servisu iha eskola ninian.

“Hau  aprezenta mós ba PR  kona ba servisu iha area edukasaun ninian liu-liu dezenvolvimentu edukasaun ninian ne’ebé  ohin loloron ita hasoru,” katak Ministru Antonio
Nia mós rekoñese problema edukasaun no estruturas sira neebé mak agora dadaun ladun to’o para  fasilita estudante no professores iha eskola.

Preokupasaun hirak ne’e nia  hato’o ba PR rejista no agradese tebes tanba iha momentu ne’ebe atu tama tranzisaun Governu foun.

“Hau aprezenta ona situasaun ida atu nune’e PR bele iha informasaun hodi  bele komunika ba Governu foun neebé mak mai atu bele inklui iha programas ba area edukasaun nian,” subliña Ministru Edukasaun ne’e. (anu)

Leave a Reply

Your email address will not be published. Required fields are marked *