Koligasaun Lahatudu Loyalidade fo Risku
TIMOROMAN.COM- Koligasaun lahadutu layalidade bele fo risku ba formasaun VII Governu Konstituisional, tanba hare ba eleisaun sekreta hatudu Aniceto Guterres manan mihis.
Lia hirak ne’e hato’o husi observador Politiku Universidade Nasional Timor Leste (UNTL) Camilo Ximenes ba Timoroman, iha nia servisu fatin, Kaikoli, Kuarta (06/09).
Camilo haktuir, loron rua liu ba, iha uma fukun Parlamentu Nasional (PN) entidade hotu akompaña, tuir loloos koligasaun Fretilin, PD Khunto hetan kadeira 35 kontra 33.
“Iha realidade foin mak hahu koligasaun mosu kedan buat ida laiha loyalidade koligasaun laran, ne’e hatudu la halo koliga, bele fo amiasa ba iha koligasaun” dehan observador Politiku ne’e
Camilo hateten, rejultadu ne’ebe mak hatudu iha eleisaun Prezidente PN ne’ebe Fretilin, PD no Khunto kandidatu Aniceto Guterres, no CNRT ho PLP kandidatu Aderito Hogu, Prezidente PN Aniceto Guterres manan mihis ho votus 33 no 32 votus.
Ne’e duni, tuir nia Fretilin tenke hare didiak karik iha buat ruma mak sira presiza hadia liu-liu iha komunikasaun. Tanba pezu politiku iha PN, kuandu 32 kontra 33 ne’e perigoju tebes.
“Ita hotu komprende katak agora dadaun iha ona opozisaun ne’ebe mak forte para kontrola Governu nia servisu ne’e bele lao diak, maibe bele mos fo risku atu garante sira nia Governativa hahu 2017 to 2022, tanba ida ne’e mak Fretilin tenke kuiidadu didiak,” katak Camilo.
Nia dehan tan, bainhira fila-fali ba fahe pasta karik bele mosu tan buat ne’ebe mak hanesan ou bele mos iha tan buat seluk ida.
Sikun seluk eis deputadu Primeiru Legislatura, Manuel Tilman informa mos ba jornaliata katak, diferente 1 votus ne’e laiha problema no atu hadaet fali ba koligasaun, tanba koligasaun ne’e sei koliga ho asuntu seluk. Maibe, ida ne’e indika katak Fretilin 23 votus, ne’eduni votus sanulu seluk ne’e bele mai husi Khunto ho PD.
Entertantu Sekretariu Jeral Fretilin, Mari Alkatiri, hateten, rejultadu eleisaun sekreta hatudu Aniceto manan mihis tanba votus pesoal, bainhira vota ba programa no orsamentu ida ne’e oin seluk ona.
“Se la akontes tan hanesan buat ne’ebe mak akontese ne’e,” garantia Mari. (Sal)
