Dezenvolve F-FDTL ho Estratejiku Foun

TIMOROMAN. COM –Vice  Xefi  Estadu  Maior Jeneral Falintil-Forsa Defeza Timor Leste (F-FDTL) Brigadeiru Jeneral,  Filimino Paixão, Kuarta (06/09) hasoru malu ho  Prezidnte Republika (PR)  Francisco Guterres ‘Lú Olo, hodi  informa    kona ba dezenvolve F-FDTL konseitu estratejiku foun.

“Dezenvolve forsa ita tama ba iha estratejiku militar foun ’ne’ebé mak Defeza Seguransa halo ona,” dehan Brigadeiru Filimino  ba Jornalista, hafoin enkontru hó PR Lu Olo, iha Palasiu Prezidensial Nocolau Lobao Bairru-Pite, horseik.

Nia dehan, agora  dadaun  instituisaun F-FDTL  haree liu ba dezenvolve  forsa hirak ne’ebé  mak hanesan deviza prasa nian, atu bele iha tekniku estratejiku ne’ebé mak diak iha futuru.

“Uluk  instituisaun  F- FDTL  iha  forsa  vinte – vinte  komesa husi 2006 mai to’o agora, tan ne’e mak F-FDTL iha evaluasaun ne’ebé mak oin seluk ona liliu konaba ameasa,” relata Brigadeiru Jeneral,  Filimino.

Tuir nia ,  F-FDTL muda fali estratejiku ne’ebé mak halo iha 2006 hodi bele adapta  fali ba realidadae atual ne’ebé  maka F-FDTL agora dadaun la’o hela.

Nune’e mos  kona ba ameasa ne’ebé mak iha, tenke haree lai ba ameasa saida, tanba iha Nasaun Timor Leste,  forsa rua mak ejiste entaun fahe tiha misaun ba Polisia Nasional Timo Leste (PNTL) hó F-FDTL hodi forma ona kapasidade.

Ne’e duni kapasidadae ne’ebe fó ba F-FDTL para bele hasoru ameasa hirak ne’e tenke liu husi estudu foun ida atu bele buka estratejiku foun ne’ebé mak iha.

“Iha etsratejiku foun neebé mak hato’o ba Prezidente Republika (PR), Lú-Olo aseita hó F-FDTL ne’ebé mak iha ona planu foun ba dezenvolvementu estratejiku foun,” haktuir Vice  Xefi  Estadu  Maior Jeneral F-FDTL ne’e.

Nia hatutan, bainhira  iha amesa ruman instituisaun F-FDTL bele forma forsa Aero ida bele prepara ba hasoru ameasa hirak ne’ebé mak sei mosu mai.

Tan ne’e  konseitu  tenke mosu husi Komandu F-FDTL rasik liliu parte estadu nian, hodi bele fó opiniaun kona ba ba forma forsa Aero.

“Ita  mós espera  sei l iha ameasa mak mosu iha nasaun Timor Leste tanba garante tiha ona estabilidade no pas hó nasaun seluk,” subliña Filimino. (anu)

Leave a Reply

Your email address will not be published. Required fields are marked *