Setembru, Moeda 200 Centavus Sirkula Iha TL

TIMOROMAN.COM –Iha fulan Setembru  moeda 200 centavus   sei serkula iha teritoriu Timor Leste (TL).

Relasiona ho  produsaun  moeda rasik timor nian, Governador Banku Sentral, Abrão de Vasconcelos, Tersa (05/09) hasoru malu ho Prezidente Republika (PR) Francisco Guterres ‘ Lú-Olo.

Iha sorumu ne’e,  Governador Banku Sentral  konvida mos PR Lu OLo, atu bele prejide seremonia ofisial ba  lansamentu moeda 200 centavus ne’ebé sei hala’o  iha dia 13 Setembru 2017.

“Ami  konvida PR  Lú Olo atu halo lansamentu ba moeda 2.00 centavus iha tempu badak nia laran, ita sei uza ona osan besi 200 centavus,” informa Abrão ba Jornalista, hafoin enkontru hó PR Lú-Olo, iha Palasiú Prezidente Nicolau Lobato Bairru-Pite, horseik.
Nia mos relata kona ba  publiku balun  preokupa  tansa mak labele uza osan tahan, mais osan mesi mak iha hela de’it, tuir lei organika banku sentral nian la premite bainhira sedauk iha alterasaun sobre diuzu de moeda.

Tanba, agora dadauk sei utiliza osan Amerika nian hanesan moeda espesial tan ne’e sei laiha osan tahan rasik, bainhira iha osan tahan rasik mak sei TL nia moeda rasik.

“Sekuantu TL iha ona osan moeda rasik mak sei iha osan tahan, ne’e tuir lei orgnika banku sentral ninian mak oras dadaun ne’e ita produs ona moeda 200 Centavus mak bót liu,” esplika Governador Banku Sentral  ne’e.

Abrão dehan, produsaun ba moeda 2.00 centavus ne’e husi kompañia espesial husi estranjeiru hanesan publika tiha husi banku sentral nian.

Tanba, tinan kotuk banku sentral halo tenderizasaun husi kompañia internasional barak ne’ebé mak iha espesialidade  area ba produsaun osan notas hó moeda.
Tan ne’e mak kompañia barak tuir tenderizasaun entaun ikus mai kompañia royal husi Australia mak manan hodi komesa ba oin sira produs ona moeda 2.00 centavus durante tinan tolu tuir kontratu ne’ebé mak iha.

“Bainhira Timor Leste atu utiliza nia osan rasik, hodi bele halo lakon osan tahan mak persiza haree vantajen no desvantajen atu ita iha moeda rasik, atu nune’e Timor mós  iha ona nia osan rasik,” subliña Abrão.

Nia haktuir,  lei organiza banku sentral fó biban para iha moeda rasik, bainhira de’it tanba hakarak Timor iha moeda rasik.

“Banku sentral kontinua hahu dezimina no evaliasaun ba situasaun ekonomi iha TL,  espera bele kompleta estudu ida sobre Timor nia moeda rasik iha futuru oin mai,” realsa nia. (anu)

Leave a Reply

Your email address will not be published. Required fields are marked *