Taekwondo Infrenta Krizi Finanseiru

Timoroman.com – Prezidente Federasaun Taekwondo Timor – Leste (FTTL) Angelo Neves, hateten Master Lee foin lalais fila fali ba Korea tanba salariu iha Timor la sufisente ba nia moris.

Iha rai liur atleta ne’ebé mak tama ona selesaun nasional sira hetan saláriu, inklui mos treinador, maibé iha Timor laiha. Hela fatin ba atleta sira, no mos transporte ba atleta la iha. Kestaun ne’ebe infrenta iha FTTL sempre hato’o bainhira enkontru.

“Kuandu la fo atensaun masimu ba atleta sira, difisil atu kompete ho atleta nasaun seluk. Ita labele obriga atleta sira para tenke hetan prestasaun. Ida ne’e hanesan presaun psikolojia ba mental Atleta nian. Ita tenke fo livre, maibé ita bele tau matan ba atleta sira ho diak. Ita lebele obriga sira, tanba sira mai treinu mos treinu voluntariu, dalaruma hola bee no han mos sira nian rasik, laiha ema ida kontrola, sira hela iha uma kalan halimar facebook to’o 12 oras to’o uma hóra, aban mai treinu fiziku la sufsiente ho diak, ida ne’e mak problema” suspira Angelo Neves.

Maibe kondisaun ne’e la hamate espiritu Neves nian. Asean Games tinan ida ne’e iha Malaysia atleta Taekwondo nain 6 kompostu feto 3 no mane 3 sei reprezenta Timor Leste iha eventu internasional refere.

“Agusto 2015 Federasaun komesa halo ona seleksaun ba atleta sira hosi klubu iha Timor laran, depois hahu treino iha master Lee nia tempu.
Oras ne’e, Federasaun fo ona pose ba treinador Nasional, Mateus da Silva para bele fo treinu ba atleta sira. Treinador ne’e mos hatudu ona kapasidade hodi treinu atleta hirak ne’e ho disiplina ho diak to’o agora.  Sira prepara ona durante tinan ida nia laran ida ne’e ita tenke lori duni ba partisipa iha asean games Agostu oin mai,” hatete Prezidente Neves iha Arbiru Beach, Sabadu (21/01), antes partispa diskusaun Planu estratejiku 2017-2020 CDTL nian iha (21/01). (mar)

Leave a Reply

Your email address will not be published. Required fields are marked *