Diretur Balun Husi Parpol, KFP La Iha Kompetensia Atu Identifika

Timoroman.com- Komisaun Funsaun Publiku (KFP) la iha kompetensia atu identifika  Diretur Jeral ka Diretur Departamentu sira ne’ebé agora daudauk hala’o knar iha Instituisaun estadu mai husi partidu politiku (parpol).

Prezidente Komisaun Funsaun Publiku (KFP), Faustino Cardozo hateten, sira la iha kompetensia atu identifika Diretur Jeral ka Diretor sira ne’e husi Partidu politiku (Parpol).

Bainhira ita akompania iha media, ema balun dehan, tansa? Ministru no Diretur iha Ministeriu ida ne’e mai husi koor ka partidu ida ne’e.

“Komisaun Funsaun Publika (KFP) la iha kompetensia atu indentifika ema ida ne’e husi kor ida ne’e ka kor ida ne’eba.” dehan Faustino Cardozo iha ninia diskursu bainhira partisipa seminariu kona ba prosesu disiplinar ba Funsionariu iha edifisiu CNE, Kolmera, Kinta (17/11).

Nia haktuir, bainhira proposta ruma tama, komisaun funsaun publika nia knar mak hare ema refere sidadaun Timor oan ka lae. Vaga ne’ebe mak nia atu okupa ne’e legal ka lae, hare tok nia grau minimu prense kriteriu ka la’e.

Sekarik nia atu sai Diretur Jeral tenki tekniku superior graun A, entaun se mak atu sai ne’e minimu tenki grau B. Nune’e mos, se mak atu sai Diretur nasional, minimu tenke graun C ne’ebe KFP hare prense ka la’e.

Faustino hatutan, se kuandu ema ne’e la prense kriteriu, Komisaun Funsaun Publiku sei haruka fila-fali no husu para bele aprezenta fali ema ne’ebe prense komisaun graun minimu nian.(sal)

Leave a Reply

Your email address will not be published. Required fields are marked *