Tinan 2017, Governu Tau Orsamentu Ba Seguransa Sosial

Timoroman.com-Primeiru Ministru (PM) Rui Maria de Araújo hateten, hahú tinan oin (2017) Governu tau ona orsamentu ba seguransa sosial nian, tanba lei kona ba ida ne’e Parlamentu Nasional aprova nomós hetan ona promulgasaun husi Prezidente Republika, Taur Matan Ruak Orsamentu Jeral 2017 ne’ebé oras ne’e iha hela prosesu debate nia laran preve mós orsamentu kona ba seguransa sosial nian.

“Lei kona ba kontribuisaun no reforma ninian Parlamentu Nasional aprova ona no Prezidente Republika mós promulga tiha ona, núne’e Governu tenke aprezenta orsamentu seguransa sosial nian hanesan parte husi debates orsamentu jeral nian. dehan Primeiru Ministru (PM), Rui Maria de Araújo ba Jornalista sira iha Palasiu Prezidente Ai Tarak-Laran, Kuarta-Feira (16/11).

Ida ne’e hanesan parte husi prosesu orsamentu jeral 2017 nian no tuir planu sei deskute iha loron 29 Novembru to’o 9 Dezembru tinan ne’e. Lei kona ba orsamentu seguransa sosial nian Primeiru Ministru, Rui esklarese katak, lei ne’e nakloke ba parte hotu, tantu parte Governu nomós parte setor privadu sira tenke implementa hotu  lei refere iha nasaun ida ne’e.

“Lei ba orsamentu seguransa sosial ne’e nakloke ba funsionariu publiku estadu nian nomós ba trabalhadores (servisu nain-red) hotu-hotu, tanba ita agora daudauk iha kategoria bo’ot rua (2) husi ema ne’ebé servisu ba estadu ita bolu Funsionariu Publiku, ema sira  ne’e lei iha funsaun publiku mak aplika, ema ne’ebé servisu iha setor privadu ne’ebé bolu dehan trabaladores no lei trabalho mak aplika, maibe agora kontribuisaun ba pensaun nian.” tenik PM Rui.

Tuir lei ne’ebé iha setor privadu sira, Estadu tenke selu seis porsentu  (6%) ba trabalhador ne’ebé mak servisu ba setor privadu husi nia (traballador-red) ninia salariu ne’ebé mak iha, enkuantu empregador tenke aumenta quatru porsentu (4%), atu núne’e tinan-tinan traballador ne’e hetan ona pensaun dez dolares ($.10).

PM Rui hatutan, lei ida ne’e aplika ba funsionariu hotu-hotu nomós ba funsionariu sira ne’ebé mak kontratadu.(ViQ)    

Leave a Reply

Your email address will not be published. Required fields are marked *