ETO Kontinua Fornese Mina ba Sentral Eletrisidade Hera-Betano

Timoroman.com – Governu liu husi Konselhu Ministru extende tan kontrato ho Kompañia Esperansa Timor Oan (ETO) ba fulan 6 hodi fornese mina ba iha sentral eletrisidade Hera no Betano.

“kontratu foun sei halo iha fulan Juñu tinan oin, tanba agora Governu liu husi Konsellu Ministru (KM) halo  tan extensaun ba iha kompañia ETO hodi kontinua fornese mina ba sentral eletrisidade Betano no Hera.”dehan Ministru Obras Publiku Transporte Komunikasaun (MOPTK), Gastão de Sousa iha Palasiu Governu hafoin partisipa inkontru Konselu Ministru, Tersa-Feira (15/11).

Iha tinan kotuk, Kompañia ETO mak manan konkursu ba tenderizasaun fornesimentu mina ba iha sentral eletrisidade Hera ho Betano.Prosesu ba kontratu foun se halo iha fulan Juñu tinan oin no ninia prosesu la’o hela, ne’e duni agora halo hela kontratu depois informa ba iha Tribunal de kontas kona ba desizaun ne’ebé mak hola tiha ona.

“Ita lakohi to’o iha eleisaun kompañia ne’ebé mak manan la suplay mina,entaun ita bele la hetan ahi ne’ebé mak sufisiente ne’e duni mak konselu ministru deside halo extensaun.” tenik Gastão.

Hare ba prblema hirak ne’e mak Konselu Ministru desidi halo extensaun ba iha kompañia ETO ho durasaun fulan 6, maibé prosesu ba konkorsu la’o nafatin para bele asina iha fulan Marsu no fó tempu fulan 3 ba iha komapañia foun ne’ebe mak manan atu prepara iha loron 1 Juñu hodi asina kontratu para bele hatama ona mina ba iha eletrisidade rua.

“prosesu ne’e ami sei fahe ba pakote rua, konkorsu ida ba fornesementu mina iha elitrisidade Hera ho Betano, tanba ami hakarak halo konkursu ba tinan rua, atu nune’e ita lalika fila ba fila mai tenki ba iha ne’eba.” esplika Gastão de Sousa.

Tuir nian sentral eletrisidade Hera no sentral elitrisidade Betano ketak ho ida ne’e kompañia rua mak sei bele manan.

“Ami fo liu prioridade ba iha kompañia Timor Oan, kompañia ne’ebe mak durante ne’e fo garantia diak liu sira mak sei manan.”haktuir Gastão.

Antes ne’e kontratu ba iha kompania ne’ebe maka manan tenderizaun ba iha elitrisidade Hera ho Betanu nia kontratu ba tinan ida deit, maibe ba iha tinan oin sei aumenta ba iha tinan rua ho kompañia rua. (sal)

Leave a Reply

Your email address will not be published. Required fields are marked *