Kazu Vicente Guterres, Tribunal Haruka Ona Karta Notifikasaun Ba PN

Timoroman.com– Tribunál Distrital Dili (TDD) iha semana kotuk haruka ona karta notifikasaun ba Parlamentu Nasional (PN) hodi husu atu hasai imunidade ba eis Prezidente Parlamentu Nasional, Vicente Guterres atu ba hatan iha Tribunal.

Prezidente PN, Adérito Hugo da Costa hateten,nia parte simu ona karta notifikasaun ne’ebé tribunál haruka ba PN hodi hasai levantamentu imunidade ba Deputadu, Vicente Guterres.
Karta notifikasaun ne’e sei aprezenta iha enkontru liders bankada hodi halo andamentu hafoin baixa ba Komisaun G hodi halo relatoriu pareser para lori ba iha plenariu hodi diskuti.

“Sim karta tama ona iha semana liu ba no sei lori ba hato’o iha inkontru liders bankada hodi hare oinsá halo alargamentu. Kona ba kontiudu husi karta ne’e, ha’u labele hateten tanba ne’e korespondesia ba orgaun seluk nian.” dehan Prezidente PN, Adérito Hugo iha PN, Tersa (15/11).

Iha biban ida ne’e, Prezidente PN Adérito Hugo informa, kazu kona ba Ministru Turismu Arte Kultura, Françisco Kalbuadi Lay oras ne’e daudauk nia prosesu la’o ona iha PN, tanba ne’e baixa ona ba komisaun espesializadas hodi halo pareser halo andamentu.

Entretantu Deputadu Bankada FRETILIN, Paulo Moniz hateten, kazu Deputadu Vicente Guterres nian bazeia ba lei ne’ebé iha, tanba lei ne’e atu regula ema hotu.

“Se iha ona notifikasaun husi Tribunál mai iha Parlamentu, tantu atu ba Deputadu Partidu, CNRT, PD, Frente Mudansa ka FRETILIN tenke hasai imunidade para nia bele ba hatan iha Tribunál.”dehan Deputadu Paulo Moniz.(jax)

Leave a Reply

Your email address will not be published. Required fields are marked *