PM Rui : Ai-Moruk Liu Prazu Sosa Iha Tinan 2013-2014

Timoroman.com – Primeiru Ministru (PM) Rui Maria de Araújo hateten, ai-moruk ne’ebé liu prazu ne’ebé Servisu Autonomo Medikamentus Ekipamentus Saude (SAMES) sunu foin lalais ne’e sosa iha tinan 2013 ho 2014 no ai-moruk ne’ebé mak apoiu husi doadores ba Ministertiu Saude.

Antes ne’e, publiku kestiona makas efetividade servisu SAMES tanba deskonfia hatama ai-moruk ne’ebé liu prazu, maibé ai-moruk hirak ne’e sosa iha tinan 2013 no 2014, nune’e mós ai-moruk balun ne’ebé oferese husi doadores sira maibé ita la konsege uza hotu, ne’e duni nia prazu liu ona entaun sunu hotu.

“Ai-Moruk ne’ebé nia prazu liu ne’e, sosa iha tinan 2013 no 2014, ai-moruk balun apoiu husi doadores sira mais ita la konsege utilize, la’os ai-moruk iha ita nia armazen.” esplika Primeriu Ministru, Rui Maria de Araujo ba jornalista sira hafoin remata inkontru ho Ministra Saude iha edifisiu SAMES, Kampu Alor-Dili, Segunda-Feira (07/11).

Primeiru Ministru haktuir, se ita la sosa ai-moruk mak ema ne’e moras karik ita atu fó saida. Defikuldade ida ne’e mak jestores hotu-hotu infrenta maibé fiar katak neneik- neneik ita buka atu hadia.

Ministeriu Saude ho SAMES iha mos kestaun balun relasiona ho prosesu ezekusaun orsamentu. Mesmu nune’e ita buka atu hadia hamutuk para ba oin problema kona ba stok out ka liu prazu tenki tuir ona padraun internasional nian.

Estudu ida WHO nia iha 2014 ba pais ne’ebe dezenvolvidu hanesan Timor Leste, ida ne’e stok out asitabel iha sentru saude ka postu saude bele atinje 60%. Maibé, ita nia 12% deit.
“ ida ne’e signifika ita la’o iha dalan ne’ebé loos, maibé agora ita presiza hadia di’ak liu tan ninia kuantifikasaun para depois ai-moruk ne’ebe ita sosa labele liu prazu.” Tenik Primeiru Ministru Rui.

Rui Tun Direita Hare Problema SAMES

Objetivu Primeiru Ministru (PM) Rui Maria de Araújo tun direita ba iha terenu, tanba hakarak atu hare no rona problema ne’ebe mak akontese iha Instituisaun Publiku Servisu Autonomo Medikalmente Ekipamentus Saude (SAMES).
“hanesan ita boot sira hatene, iha semana hirak liu ba Parlamentu Nasional ko’alia makas kona ba Ai-Moruk, tan ne’e mak ha’u hakarak verifika loloos problema saida mak SAMES infreta.” dehan PM Rui
PM Rui esplika, husi prosesu kompras ne’ebe SAMES hala’o ona to’o iha fulan Dezembru ai-moruk ne’ebe sei tama mai iha Stok sei sai ba provolta 80% entaun rignifika Stok out ne’e kikoan. (sal)

Leave a Reply

Your email address will not be published. Required fields are marked *