Rui: “Obrigadu Nia Valor Bo’ot Liu Osan”

Timoroman.com –Primeiru  Ministru (PM), Rui Maria de Araújo konsidera katak, liafuan Obrigadu iha valor ne’ebé bo’ot liu kompara ho osan ne’ebé ema selu ba ita.
Mansajen murak ne’e, Primeiru Ministru, Rui Maria de Araujo kompara ba servisu doutor sira nian bainhira hala’o tratamentu ba pasiente nia saudé.

Primeiru Ministru hateten, doutor ne’ebé konsege hala’o katuas ida tinan lima nia laran matan labele hare, bele hare’e fila-fali no bainhira  katuas ne’e husu obrigado mais dehan folin la iha.

“osan  ne’ebé  ita bo’ot simu la vale kompara ho obrigadu ne’ebé mak sira fó. Bainhira ita fó konsulta no ema ne’e diak tiha depois mai fali hato’o obrigado ba ita ne’e nia valor  labele sura ho osan, maski fulan ida ita bo’ot manan osan U4 10 mil mós la to’o iha ne’ebá. esplika PM Rui bainhira hala’o avaliasaun  ba servisu saúde na familia,  iha Ministeriu Saude Kaikoli-Dili, Sesta-Feira (04/11).

Nia haktuir, se ita hotu iha hanoin hanesan ne’e entaun satisfasaun nu’udar profisaun saúde nian mosu husi ne’eba.

“Ha’u senti  ita hotu ne’ebé tu’ur iha meza ida ne’e iha papel diferente, maibé ita hotu mai husi prosesu ida hodi halo atendementu ba ita nia populasaun.” tenik Rui. (sal)

Leave a Reply

Your email address will not be published. Required fields are marked *