PN Preokupa Impaktu Ekonómia Iha RAEOA

Timoroman.com -Reprezentante povu iha Uma Fukun Parlamentu Nasional (PN) preokupa tebes kona ba impaktu ekonómiku ba kurtu prazu iha Rejiaun Administrativas Espesiál Oé-Cusse-Ambeno (RAEOA), tanba públiku to’o oras ne’e seidauk hatene frekuensia husi movimentasaun ekonomia.

Deputadu, Joaquin dos Santos fó sai deklarasaun ne’e bainhira hala’o audensias públikas hó autoridade Rejiaun Administrativas Espesiál Oé-Cusse Ambeno (RAEOA) no Zena Espesiál Ekonómia Sosiál Merkadu (ZEESM) hafoin aprezenta relatoriu ezekusaun Orsamentu Jerál Estadu (OJE) 2016 nian nomós planu prioridades ba OJE 2017 kona ba RAEOA-ZEESM nian.

“Impaktu ekonómiku iha kurtu prazu orientadu ba satisfasaun públiku iha familia no merkadu, nune’e mós satisfasaun públiku ba Oé-Cusse ninia frekuensias la’ó oinsa.” dehan Deputadu, Joaquin dos Santos liu husi audiensias públikas, Sesta-Feira, (04/11) iha Parlamentu Nasional.

Deputadu ne’e preokupa mós kapasidade kompras iha Oé-Cusse, bainhira Governu implementa polítika ida ne’e iha Oé-Cusse, tanba ne’e husi sidadaun nasionál no estranjeirus sira iha resesaun ba projetu ZEESM nian, sira fó reasaun pozitivu ka ekilibriu hanesan mós opiniuan públiku ho Estadu nian.
Hatan ba kesaun ne’e, Seketáriu Rejionál Asuntus Edukasaun RAEOA-ZEESM, Arsenio Bano hateten, inflasaun ba folin sasan iha Oé-Cusse la iha, tanba kuaze presu sasan iha Oé-Cusse hanesan mós iha Dili.

Bano haktuir, bainhira programa ZEESM seidauk hahú iha Oé-Cusse no RAEOA seidauk hamri’ik, problema tradisional ne’ebé Oé-Cusse hasoru mak izolamentu no kestaun transportes sai nu’udar problema prinsipal ne’ebé Oé-Cusse enfrenta.
“Transporte halo impaktu la’ós de’it ba kestaun ekonómia, izolamentu iha impaktu sosiál iha tinan 10 molok Rejiaun hahú ZEESM. Problema prinsipal Oé-Cusse nian mak ligasaun hó Dili iha impaktu hó serbisu Estadu nian no mós kondisaun ekonómia iha Oé-Cusse.” Esklarese Arsenio Bano.

Eis Deputadu FRETILIN ne’e haktuir, iha tinsn hirak kotuk problema izolamentu la rezolve, Oé-Cusse hetan inflasaun ba presu sasan iha merkadu, liu-liu iha fulan Novembru, Dezembru, Janeiru, Marsu no Abril bainhira Ró Nakroma la halo operasaun.(jax)

Leave a Reply

Your email address will not be published. Required fields are marked *