Henrique : “ Ami seidauk Simu Relatoriu Jornalista Hetan Baku”

Timoroman.com- Komandante Operasaun Polisia Nasional Timor Leste (PNTL), Superintendenti Xefi,  Henrique da Costa deklara katak, parte Komandu Jeral seidauk simu relatoriu ruma kona ba informasaun ne’ebé dehan Jornalista hetan baku husi membru F-FDTL no PNTL iha Postu Administrativu Tilomar, Munisipiu Covalima.
Semana foin lalais membru F-FDTL no PNTL halo atuasaun hodi baku grupu balun ne’ebé tenta hakarak impede prosesu eleisaun suku iha Aldeia Kaikoli, Suku Maugenu, Postu Administrativu Tilomar, Munisipiu Covalima.

Tuir informasaun ne’ebé jornal ne’e asesu katak, bainhira mbru F-FDTL no PNTL halo atuasaun ba ema hirak ne’ebe hakarak estraga prosesu eleisaun no iha momentu ne’ebá Jornalista ida hasai hela fotografia entaun membru F-FDTL ho PNTL fila hurlele fali jornalista ne’e.

Superintendenti Xefe Henrique da Costa rekoñese katak, iha munisipiu Kovalima akontese duni problema ne’ebé deskonfia grupu balun tenta halo provoka iha eleisaun suku, maibe membru sira halo kedas atuasaun hodi baku grupu ne’ebe mak impede prosesu eleisaun.

“Informasaun dehan baku Jornalista ne’e to’o agora Komandu PNTL Munisipiu Kovalima seidauk hato’o relatoriu mai Komandu Jeral.” dehah Komandante Operasaun PNTL, Superintendenti Xefe Henrique da Costa ba Jornalista sira iha Kuartel Jeral Kaikoli, Sesta-Feira (04/11)
Henrique haktuir, relatoriu ne’ebe komandante opersaun simu husi komandante PNTL Munisipiu Kovalima katak, iha grupu balun mak atu impede atividade eleisaun suku ne’e duni polisia no F-FDTL halo prevensaun ba problema hodi baku grupu ne’ebé provoka situasaun.

“Relatoriu ne’ebé ami simu ne’e kona ba grupu ida mak atu sobu prosesu eleisaun suku, maibé dehan membru PNTL-F-FDTL baku jornalista ne’e ninia relatoriu espesifiku seidauk tama.” tenik Henrique (anu)

Leave a Reply

Your email address will not be published. Required fields are marked *