Xanana: Tribunal LaIha Juiz Inspetor

Timoroman.com-Ministru Planeamentu Investimentu Estratéjiku
(MPIE), Kay Rala Xanana Gusmão hateten, projetu Supply Base iha Suai “budu” hela iha Tribunal Rekursu (TR) tanba Timor-Leste sei iha hela faze konstrusaun Estadu tan ne’e mak seidauk iha juiz inspektór iha Tribunal.

Kay Rala Xanana Gusmão fó sai deklarasaun ne’e Kinta (27/10)
bainhira halo audensias púbikas hó Parlamentu Nasional (PN) kona ba
proposta lei Orsamentu Jerál Estadu (OJE) 2017 nian. Iha audensia públiku
ne’e, reprezentante povu sira mós kestiona kona ba projetu emerjensia
ne’ebé dadauk ne’e la’ó namanas iha Kosta Sul ka Tasi Mane nian.

Parlamentu Nasional (PN) ejije ba Governu atu bele fornese hela
dokumentus kona ba Estudus Viabilidades (EV). “Primeiru, Supply Base sei
iha hela Tribunal Rekursu no ami tau hela osan mais la gasta ba tinan ida
ne’e, tanba konstrusaun Estadu ita nia juiz sira la iha inspektór tribunais.”
dehan Xanana Gusmão.

Ministru MPIE, Kay Rala Xanana Gusmão rekoñese kbi’it husi PN nian
hodi husu atu halo analiza kona ba estudus viabilidade iha projetu Kosta Sul
ka Tasi Mane nian.

“Tanba ha’u simu husi ita bo’ot sira kona-ba estradas, tanba dala ruma ita
hanoin bu’at ita to’o iha ne’ebá ita sukat, dala ruma halo estradas ita sira
husu dezenvolvimentu nian kuaze por-metrus,”esplika Xanana.
Governante ne’e dehan, projetu Tasi Mane nian tanba iha projetu Supply
Base, estradas, petro-kimika. Tanba ne’e iha PN iha mós ekipa tekniku
lubuk ida atu bele fó hanoin ba Governu.

Entretantu iha audiensias públikas ne’e, Deputada Virgina kestiona katak,
to’o ohin loron PN ejije ona ba Governu bele fornese hela dokumentus
balun relasiona estudus viabilidade ba varius investimentu husi projetu bo’ot
iha Kosta Sul ka Tasi Mane nian.

“Ami nunka hetan dokumentus sira ne’e, se kari agora bele fahe
informasaun balun ba ami li-liu relasiona hó baze lojistika, aúto estradas no
mós petro-kimika ninian,”kestiona Deputada Virgina.(jax)

Leave a Reply

Your email address will not be published. Required fields are marked *